Owanyi he mí do na mẹmẹsunnu mítọn lẹ nọ zọ́n bọ mí nọ dín dagbe yetọn. (1Kọ 13:4, 7) Di apajlẹ, to whenue mẹmẹsunnu de waylando bo mọ mẹplọnlọ yí, mí nọ do todido dọ e na kẹalọyi alọgọ he yè to nina ẹn bo basi vọjlado. Mí nọ fahomẹ hẹ mẹhe yise yetọn ma lodo lẹ bo nọ wà nuhe go mí pé lẹpo nado gọalọna yé. (Lo 15:1) Eyin mẹde jo nugbo do, mí nọ do todido dọ e na gbẹ́ lẹkọwa Jehovah dè.—Luk 15:17, 18.

PỌ́N VIDEO LỌ FLIN LEHE OWANYI NỌ YINUWA DO—NỌ DO TODIDO TO NULẸPO MẸ, ENẸGODO NA GBLỌNDO NA KANBIỌ HE BỌDEGO LẸ:

• Nawẹ pọndohlan Abnẹli tọn gando nugbonọ-yinyin go diọ gbọn?

• To whenue Abnẹli dọna Davidi dọ ni basi alẹnu hẹ yé, nawẹ Davidi yinuwa gbọn? Bọ Joabi uwọ lo?

• Naegbọn dagbe mẹmẹsunnu mítọn lẹ tọn wẹ mí dona nọ dín?