GBẸZAN KLISTIANI TỌN
Be A Ko Wleawudaina Ojlẹ Hunyanhunyan Tọn lẹ Ya?
Dile opodo to sisẹpọ, hunyanhunyan, danuwiwa po awhàn po na sù. (Osọ 6:4) Nawẹ mí gán wleawudai gbọn?
-
Wleawudai to gbigbọ-liho: Dín nunọwhinnusẹ́n po kandai Biblu tọn lẹ po he na gọalọna we nado hẹn jidide towe to Jehovah po titobasinanu etọn po mẹ lodo bo nọ kada. (Hwh 12:5; jr-F 125-126 huk. 23-24) Din wẹ ojlẹ lọ nado vẹ́ po hagbẹ agun lọ tọn lẹ po.—1Pi 4:7, 8
-
Wleawudai to agbasa-liho: Basi tito nado to hihọ́ glọ to whégbè bo wleawuna núdùdù he pemẹnu jẹ obá de mẹ. Sọ basi tito lehe mì na yinuwa do tọn eyin e wá biọ dọ mì ni họ̀n. Gbeje saki he a ko wleawuna bọ e bẹ onú dandan tọn lẹ hẹn lọ mẹ pọ́n nado hẹn ẹn diun dọ nue jẹ lẹ to e mẹ. E na yọ́n dọ nuhe yè gán ṣinyọ́n do awọ̀nnu po awọntin po, gọna akuẹ ni to saki lọ mẹ. Yọ́n sọha alokan mẹho lẹ tọn bo dike yé ni yọ́n towe lọsu.—Isa 32:2; g17.5-F 3-7
To hunyanhunyan lọ whenu, hẹn aṣa gbigbọmẹ tọn towe lẹ go. (Flp 1:10) Ma nọ to tẹnsẹ sọn fide jẹ fide blo, adavo e yin dandan. (Mt 10:16) Nọ má núdùdù po nuhe a do lẹ po hẹ mẹdevo lẹ.—Lo 12:13.
PỌ́N VIDEO LỌ BE A KO WLEAWUDAINA NUJIJỌ AJIJI LẸ YA?, ENẸGODO NA GBLỌNDO NA KANBIỌ HE BỌDEGO LẸ:
-
Nawẹ Jehovah gán miọnhomẹna mí to nukunbibia lẹ whenu gbọn?
-
Afọdide titengbe tẹlẹ wẹ mí gán ze nado wleawudai?
-
Nawẹ mí gán gọalọna mẹdevo he to oyà nugbajẹmẹji tọn ji lẹ gbọn?
