Jesu yí nujijọ alọnu tọn lẹ zan to lizọnyizọn etọn mẹ. (Luk 13:1-5) A gán wà nudopolọ nado fọ́n ojlo mẹlẹ tọn dote gando owẹ̀n lọ go. Di apajlẹ, a gán donù ahivivẹ nulẹ tọn, nugbajẹmẹji jọwamọ tọn, gufinfọn de, amasin adínọ ṣiṣizan kavi onú mọnkọ devo go, bo kàn kanbiọ mẹhẹnlẹnnupọn tọn de sè taidi: “Be mì lẹndọ . . . na wá vọ̀ gbèdopo ya?” kavi “Etẹwẹ mì lẹndọ e yin pọngbọ na . . . ?” Enẹgodo, hia wefọ he gando whẹho lọ go de. Eyin mẹlọ tindo ojlo, do video kavi owe he to Azọ́nwanu Mẹpinplọn tọn mítọn mẹ de hia ẹ. Mì gbọ mí ni “nọ wà nulẹpo na wẹndagbe lọ tọn wutu” dile mí to vivẹnudo nado jẹ ahun mẹhe to aigba-denamẹ mítọn ji lẹ tọn mẹ.—1Kọ 9:22, 23.

Hosọ nankọ lẹ wẹ mẹhe to aigba-denamẹ mìtọn ji lẹ gán yiwanna?