• Slm 36:6—Etẹwẹ salmu-kantọ lọ na ko to didọ to whenue e dọ dọ dodowiwa Jehovah tọn taidi “osó daho lẹ [kavi, “taidi osó Jiwheyẹwhe tọn lẹ, Odò.”]”? (it-2-F 341 huk. 7)

  Gblọndo towe

• Onú sisosiso gbigbọmẹ tọn tẹlẹ wẹ a mọ to Biblu hihia osẹ ehe tọn mẹ, he a jlo na má hẹ mẹdevo lẹ?

  Gblọndo towe

Nugbajẹmẹji jọwamọ tọn po dehe gbẹtọ nọ hẹnwa lẹ po nọ zọ́n bọ lẹdo aihọn pé, adán nọ gbò mẹmẹsunnu po mẹmẹyọnnu lẹ po bọ mẹvivẹ yetọn lẹ sọ nọ kú. (Slm 9:9, 10) E blawu dọ “ojlẹ ayimajai tọn lẹ” gán wá to whedepopenu, enẹwutu, mímẹpo wẹ dona wleawudai nado pehẹ whlepọn mọnkọ lẹ.

Gbọnvona awuwiwle to agbasa-liho, a etẹwẹ gán gọalọna mí nado doakọnnanu to whenue nugbajẹmẹji de jọ?

• Wleawuna ayiha towe: Yọnẹn dọ nugbajẹmẹji lẹ nọ jọ, enẹwutu lẹnnupọndo nue a na wà eyin yé wá aimẹ ji. Ma tẹdo nutindo agbasa tọn lẹ go gbau blo. Ehe na gọalọna we nado yí nuyọnẹn po nujikudo po do yinuwa bọ a na na ayidonugo hihọ́ po ogbẹ̀ towe po hugan agbasanu lẹ. (Jen 19:16; Slm 36:9) E nasọ gọalọna we to nugbajẹmẹji de godo bọ a na nọ jlẹkaji to nue a to nukundo lẹ mẹ, podọ a ma na jẹflumẹ zẹjlẹgo, na agbasanu he a hẹnbu lẹ wutu.—Slm 37:19

• Wleawudai to gbigbọ-liho: Wleawuna jidide to nugopipe po ojlo Jehovah tọn nado penukundo gowe po mẹ. (Slm 37:18) Whẹpo nugbajẹmẹji de nado jọ, nọ flinnu dewe whẹwhẹ dọ Jehovah na deanana omẹ etọn lẹ bosọ nọgodona yé, eyin etlẹ biọ dọ mí ni yin whinwhlẹn po ‘ogbẹ̀ mítọn’ kẹdẹ po.—Jel 45:5; Slm 37:23, 24

Eyin mí nọ hẹn opagbe Jehovah tọn lẹ do ayiha mẹ gligli, be mí to didohia dọ ewọ wẹ “fibẹtado [mítọn] to ojlẹ ayimajai tọn mẹ.”—Slm 37:39.

Hò VIDEO lọ Be A Ko Wleawudaina Nujijọ Ajiji lẹ Ya? Enẹgodo, kanse mẹplidopọ lẹ dọ:

• Nawẹ Jehovah gán gọalọna mí to ojlẹ ayimajai tọn mẹ gbọn?

  Gblọndo towe

• Afọdide taun-taun tẹlẹ wẹ mí gán ze nado wleawudai?

  Gblọndo towe

• Nawẹ mí gán gọalọna mẹhe adán gbò to nugbajẹmẹji de whenu lẹ gbọn?

  Gblọndo towe