Jelemia yin azọ́ndena nado na avase Ju lẹ gando vasudo he to unklẹn de go, na yé ko wọn Jiwheyẹwhe yetọn, Jehovah wutu. (Jel 13:25) Etẹwẹ hẹn akọta lọ biọ ninọmẹ gbigbọmẹ tọn he blawu ehe mẹ? Whẹndo Islaeli tọn lẹ ko hẹn gbigbọnọ-yinyin yetọn bu. E họnwun dọ tatọ́ whẹndo tọn lẹ ma nọ hodo anademẹ Jehovah tọn he to Deutelonomi 6:5-7 mẹ ba.

Whẹndo he lodo to gbigbọ-liho lẹ wẹ nọ zọ́n bọ agun mítọn lẹ nọ hẹnai to egbehe. Tatọ́ whẹndo tọn lẹ sọgan gọalọna whẹndo yetọn nado nọ flin Jehovah gbọn tito gbesisọ tọn sinsẹ̀n-bibasi whẹndo tọn nujọnu tọn de gblamẹ. (Slm 22:27) To video lọ “Ohó Ehelẹ . . . Dona Tin to Ahun Towe Mẹ”—Hokansemẹ Whẹndo lẹ Tọn pinpọn godo, na gblọndo kanbiọ he bọdego lẹ tọn:

• Nawẹ whẹndo delẹ ko duto avùnnukundiọsọmẹnu he mẹsusu nọ pehẹ gando sinsẹ̀n-bibasi whẹndo tọn go lẹ ji po kọdetọn dagbe po gbọn?

• Etẹwẹ yin delẹ to ale he yè nọ mọyi eyin yè tindo tito gbesisọ tọn sinsẹ̀n-bibasi whẹndo tọn nujọnu tọn de lẹ mẹ?

• Na nuhe dù sinsẹ̀n-bibasi whẹndo tọn, avùnnukundiọsọmẹnu tẹlẹ wẹ n’nọ pehẹ, podọ nawẹ n’na tẹnpọn bo duto yé ji gbọn?