NUHỌAKUẸ LẸ SỌN OHÓ JIWHEYẸWHE TỌN MẸ | JELEMIA 12-16
Islaeli Wọn Jehovah
Jelemia mọ azọ́ndenamẹ he kàn dẹpẹ biọ de yí, ehe na do gbemima Jehovah tọn nado hẹn nugbajẹmẹji wá Juda po Jelusalẹm po he nọ sinyẹnta bo nọ yigo ji hia.
Jelemia họ̀ gbànnú alavọ tọn de
-
Gbànnú lọ he tẹdo alinkàn na ẹn nọtena haṣinṣan pẹkipẹki he na ko tin to Jehovah po akọta lọ po ṣẹnṣẹn
Jelemia ze gbànnú lọ yì Tọ̀sisa Euflate tó
-
E whlá ẹ do osé-slo de mẹ bo lẹkọyi Jelusalẹm
Jelemia lẹkọyi Tọ̀sisa Euflate tó nado gọ̀ gbànnú lọ ze
-
Gbànnú lọ ko gble
Jehovah basi zẹẹmẹ whẹho lọ tọn to whenue Jelemia ko hẹn azọ́ndenamẹ lọ di godo
-
Tonusise ahundopo tọn Jelemia tọn to nuhe taidi nutata enẹ mẹ yí adà titengbe de wà to vivẹnudido Jehovah tọn nado jẹ ahun gbẹtọ lọ lẹ tọn mẹ
