25:1-12

Dile etlẹ yindọ hodotọ yiamisisadode etọn lẹ wẹ Jesu to alọdlẹndo to oló awhli ao lẹ tọn mẹ, Klistiani lẹpo go wẹ ehe gando. (w15 15/3 12-16) “Enẹwutu, mì gbọṣi nukle, na mì ma yọ́n azán kavi gànmẹ lọ gba.” (Mt 25:13) Be a sọgan basi zẹẹmẹ oló Jesu tọn ya?

• Asisunọ yọyọ (wefọ 1)​—Jesu

• Awhli nuyọnẹntọ he wleawudai lẹ (wefọ 2)​—Klistiani yiamisisadode he wleawufo nado hẹn azọ́ndenamẹ yetọn di po nugbonọ-yinyin po bo to wunhọ́n taidi hinhọ́n lẹ kakajẹ vivọnu (Flp 2:15)

• Awhá lọ: “Asisunọ yọyọ lọ die!” (wefọ 6)​—Kunnudenu tintin tofi Jesu tọn

• Awhli nulunọ lọ lẹ (wefọ 8)​—Klistiani yiamisisadode he tọ́nyi nado pé Asisunọ Yọyọ lọ ṣigba he ma gbọṣi nukle bo ma hẹn tenọgligo lẹ

• Awhli nuyọnẹntọ lọ lẹ gbẹ́ nado namẹ amì yetọn (wefọ 9)​—To hiadogonamẹ godo tọn lọ godo, whenu na ko fẹ́ do mẹyiamisisadode he yin nugbonọ lẹ nado gọalọna dehe ma yin nugbonọ lẹ

• “Asisunọ yọyọ lọ wá” (wefọ 10)​—Jesu wá nado dawhẹ sẹpọ vivọnu nukunbibia daho lọ tọn

• Awhli nuyọnẹntọ lọ lẹ biọ hùnwhẹ alọwle tọn lọ tẹnmẹ hẹ asisunọ yọyọ lọ bọ ohọ̀n lọ yin súsú (wefọ 10)​—Jesu bẹ mẹyiamisisadode nugbonọ lẹ pli do olọn mẹ, ṣigba mẹhe ma yin nugbonọ lẹ hẹn ale olọn mẹ tọn yetọn bu