• Kàn adlẹsi towe titi. Eyin a mọdọ e ma yin nuyọnẹnnu nado kàn adlẹsi towe titi, a gán kàn adlẹsi Plitẹnhọ Ahọluduta tọn eyin mẹho lẹ nagbè we. Amọ́, a ma dona zan adlẹsi alahọ tọn PAALI.

• Kàn yinkọ mẹlọ tọn eyin a yọnẹn. Ehe na zọ́n bọ mẹlọ ma na lẹndọ wekanhlanmẹ ajọjijla tọn de wẹ.

• Na ayidonugo aliho wekinkan tọn po ohia he nọ nọ̀ wekun ji lẹ po. Nukinkan lọ ni mẹ́ bo yọ́npọ́n. Eyin alọ wẹ a yí do kàn, dike ni bọawu hihia. Hogbe lọ lẹ ni ma yin hogbe mọmọ tọn lẹ blo, podọ yé ni masọ gẹdẹ gbau blo.

Apajlẹ wekanhlanmẹ tọn he zọnpọ hẹ hosọ ehe do nuhe mí na wà lẹ hia. Ehe ma dohia dọ a na nọ yí hogbe he to wekanhlanmẹ ehe mẹ lẹ pẹpẹ zan to whedepopenu he a to wekanhlan mẹde to aigba-denamẹ towe ji gba. Nọ kàn wekanhlanmẹ towe sọgbe hẹ lẹndai etọn, gọna ninọmẹ po aṣa lẹdo lọ tọn lẹ po.