Nuhe jọ do Islaelivi lẹ go to danfafa Moabi tọn ji yin apajlẹ avase tọn de na Klistiani lẹ. (1Kọ 10:6, 8, 11) Islaelivi delẹ jẹ gbẹdo hẹ yọnnu fẹnnuwatọ podọ boṣiọ-sẹ̀ntọ Moabi tọn lẹ ji bo wá yin kiklọ́ nado waylando sinsinyẹn. Enẹ hẹn kọdetọn he ylan taun lẹ wá. (Sọh 25:9) Azọ́nwatọgbẹ́, wehọmẹvigbẹ́, kọmẹnu, hẹnnumẹ, po mẹyinyọnẹn devo he ma nọ sẹ̀n Jehovah lẹ po ṣẹnṣẹn wẹ mí te. Etẹwẹ mí gán plọn sọn kandai Biblu tọn ehe mẹ gando owù he gbẹdido pẹkipẹki hẹ omẹ mọnkọ lẹ bẹhẹn lẹ go?

PỌ́N VIDEO LỌ APAJLẸ AVASE TỌN LẸ NA AZÁN MÍTỌN—ADÀ KLEUN DE, ENẸGODO NA GBLỌNDO NA KANBIỌ HE BỌDEGO LẸ:

• Pọndohlan he ma sọgbe tẹwẹ Zimli po mẹdevo lẹ po dohia to whenue yé to hodọ hẹ Jamini?

• Nawẹ Finehasi gọalọna Jamini nado tindo pọndohlan he sọgbe gbọn?

• Vogbingbọn tẹwẹ to akọjijẹ hẹ mayisenọ de po họntọn etọn yinyin po ṣẹnṣẹn?

• Naegbọn mí dona nọ pọ́n gbẹ́ do dó etlẹ yin to agun mẹ?

• Naegbọn mí dona dapana gbẹdido Intẹnẹt ji tọn hẹ mẹhe mí ma yọnẹn tlọlọ lẹ?