Mẹhe tindo walọ wiwe lẹ ṣo wẹ gán vẹ́ po Jehovah po. (1Pi 1:14-16) Aṣa ylankan lẹ jijodo gán hẹn ale wá na plọnmẹ Biblu mítọn lẹ to whẹndo mẹ, to agbasa-liho podọ to akuẹzinzan-liho.

Gọalọna nuplọntọ towe nado mọnukunnujẹ nujinọtedo walọ dagbe tọn he Jehovah zedai lẹ mẹ hezeheze, nuhewutu e do ze nujinọtedo enẹlẹ dai po ale he to e mẹ na mí lẹ po. Gọalọna ẹn nado diọ pọndohlan etọn. Eyin pọndohlan etọn diọ, walọ etọn na diọ. (Efe 4:22-24) Dohia ẹ dọ po alọgọ Jehovah tọn po, e gán de ofẹ̀n sọn aṣa he tlẹ doadọ̀do de mẹ. (Flp 4:13) Plọn ẹn dọ ni nọ vẹ̀ Jehovah to whenue e yin whiwhlepọn nado waylando. Gọalọna ẹn nado nọ yọ́n ninọmẹ he gán dọ̀n ẹn biọ ylando mẹ lẹ bo nọ dapana yé. Na ẹn tuli nado yí aṣa dagbe lẹ do diọ aṣa ylankan etọn lẹ. A na do ayajẹ to whenue a mọ bọ nuplọntọ de jo aṣa ylankan de do po alọgọ Jehovah tọn po.

PỌ́N VIDEO LỌ NỌ GỌALỌNA BIBLU PLỌNTỌ TOWE LẸ NADO DUTO AṢA MAWÉ LẸ JI, ENẸGODO NA GBLỌNDO NA KANBIỌ HE BỌDEGO LẸ:

• Nawẹ mẹho lẹ po Anita po dohia dọ yé dejido Jani go gbọn?

• Nudevo tẹwẹ Anita sọ bayi nado gọalọna Jani?

• Nawẹ Jani dín alọgọ Jehovah tọn gbọn?