GBẸZAN KLISTIANI TỌN
Biblu Hihia Egbesọegbesọ Nọ Gọalọ Nado Do Nuyọnẹn
Nuyọnẹn Jiwheyẹwhe tọn họakuẹ taidi adọkunnu whiwhla de. (Hwh 2:1-6) Nuyọnẹn nọ zọ́n bọ mí nọ tindo zinzin bo nọ basi nudide dagbe lẹ. E sọ nọ basi hihọ́na mí. Nuhe zọ́n niyẹn bọ e do “yin nujọnu hugan.” (Hwh 4:5-7) E nọ biọ dọ mí ni vánkan nado dín adọkunnu gbigbọmẹ tọn he whlá lẹ sọn Ohó Jiwheyẹwhe tọn mẹ. Onú tintan he mí gán wà wẹ nado nọ hia Ohó Jiwheyẹwhe tọn “to okle po ozán po,” enẹ wẹ egbesọegbesọ. (Jọṣ 1:8) Pọ́n ayinamẹ delẹ he sọgan gọalọna mí nado nọ hia Ohó Jiwheyẹwhe tọn whẹwhẹ bosọ nọ duvivi etọn.
PỌ́N VIDEO LỌ JỌJA LẸ PLỌN NADO YIWANNA OHÓ JIWHEYẸWHE TỌN, ENẸGODO NA GBLỌNDO NA KANBIỌ HE BỌDEGO LẸ:
Etẹwẹ zọ́n bọ e do vẹawuna jọja ehelẹ nado nọ hia Biblu egbesọegbesọ, podọ etẹwẹ gọalọna yé?
-
Melanie
-
Samuel
-
Celine
-
Raphaello
TITO BIBLU HIHIA TỌN ṢIE:
