• Slm 23:3—Etẹwẹ “ali dodowiwa tọn lẹ” nọtena, podọ etẹwẹ gán gọalọna mí ma nado zẹ̀ sọn yé ji? (w11 15/2 24 huk. 1-3)

  Gblọndo towe

• Onú sisosiso gbigbọmẹ tọn tẹlẹ wẹ a mọ to Biblu hihia osẹ ehe tọn mẹ, he a jlo na má hẹ mẹdevo lẹ?

  Gblọndo towe

Lẹngbọ jọnun lẹ nọ yọ́n ogbè lẹngbọhọtọ yetọn tọn bosọ nọ hodo e. Amọ́, yé nọ họ̀n eyin yé sè ogbè mẹhe yé ma jẹakọ hẹ de tọn. (Joh 10:5) Mọdopolọ, mí nọ dotoaina ogbè Lẹngbọhọtọ owanyinọ he go mí gán dejido lẹ tọn, yèdọ Jehovah po Jesu po. (Slm 23:1; Joh 10:11) Ṣigba, mí nọ gbẹ́ ogbè jonọ he nọ tẹnpọn nado yí “ohó oklọ tọn lẹ” do hù yise mítọn sudo lẹ tọn dai.—2Pi 2:1, 3.

Jenẹsisi weta atọ̀ntọ do whla tintan he ogbè jonọ de tọn yin sisè to aigba ji hia. Satani wá Evi dè bo dọho to aliho de mẹ bọ Evi ma yọ́n mẹhe to hodọna ẹn taun. E wanu taidi mẹhe to họntọnji hẹ Evi bo fọ́n ayihaawe dote gando ohó po mẹwhinwhàn Jehovah tọn lẹ po go. E blawu dọ Evi dotoaina ẹn bọ enẹ dekọtọn do oyà mayọnjlẹ mẹ na ewọ po whẹndo etọn po.

To egbehe, Satani nọ fúnfún linlin agọ̀, nugbo daa po lalo lẹ po pé nado hẹn mí tindo ayihaawe gando Jehovah po titobasinanu etọn po go. Enẹwutu, eyin mí sè ogbè jonọ de tọn, mí dona nọ họ̀n! Owùnu wẹ e yin nado dín tlintlindo bo dotoaina onú mọnkọ lẹ, etlẹ yin na ojlẹ kleun de. Hogbe nẹmu sin hudo wẹ Satani do nado hẹn Evi buali to hodọdopọ kleun yetọn whenu? (Jen 3:1, 4, 5) Bọ etẹwẹ lo, eyin mẹyinyọnẹn de, yèdọ mẹhe yiwanna mí bosọ tindo mẹwhinwhàn dagbe, jlo na má linlin agọ̀ lẹ hẹ mí gando titobasinanu Jehovah tọn go?

Hò VIDEO lọ Gbẹ́ “Ogbè Jonọ lẹ Tọn” Dai. Enẹgodo, kanse mẹplidopọ lẹ dọ:

Etẹwẹ a plọn sọn aliho he mẹ Jani yinuwa te to whenue onọ̀ mayisenọ etọn jlo na má linlin agọ̀ lẹ hẹ ẹ?