• Hwh 11:17—Nawẹ homẹdagbe didohia nọ wà dagbe na mí gbọn? (g20.1 11, apotin)

  Gblọndo towe

• Onú sisosiso gbigbọmẹ tọn tẹlẹ wẹ a mọ to Biblu hihia osẹ ehe tọn mẹ, he a jlo na má hẹ mẹdevo lẹ?

  Gblọndo towe

Na mí yin mapenọ wutu, mí na nọ ṣì hodọ. (Jak 3:8) Etomọṣo, eyin mí nọ hẹn owù he enẹ nọ saba hẹnwa lẹ do ayiha mẹ, e na gọalọna mí nado nọ dapana nue gán wá vẹna mí lẹ didọ. Ohó wunmẹ delẹ die he gán hẹn jijọho agun lọ tọn gble:

• Mẹdezizedaga. E nọ saba yin hogbe glòlò jijlá tọn lẹ bo gán fọ́n agbàwhinwhlẹn po nuvẹun po dote.—Hwh 27:2

• Nugbomadọ. Ehe ma nọte do lalo gànna-gànna dido kẹdẹ ji gba, amọ́ e sọ bẹ ohó he yè dọ po yanwle lọ po nado hẹnmẹ buali hẹn. Nugbomadọ vude poun gán hẹn yinkọ dagbe mítọn gble bọ yè ma nasọ nọ dejido mí go ba.—Yẹ 10:1

• Mẹhẹngble. E nọ saba yin ohó he ma sọgbe didọ gando mẹde go, podọ gando gbẹzan etọn go, ehe nọ slokọna nugbo kavi nọ de whẹho mẹdetiti tọn mẹlọ tọn lẹ hia. (1Ti 5:13) Enẹ gán hẹn whẹgbè po kinklan po wá

• Hogbe homẹgble tọn. E nọ saba yin numọtolanmẹ mítọn lẹ didọtọn ma lẹnnupọn to whenue mẹde wà nude he vẹna mí. (Efe 4:26) Ehe gán gbleawunamẹ.—Hwh 29:22

Hò VIDEO lọ “Klọ́n” Nuhe Nọ Hẹn Jijọho Gble Lẹpo Dai—Adà Kleun De. Enẹgodo, kanse mẹplidopọ lẹ dọ:

• Etẹwẹ a plọn gando lehe hogbe mítọn lẹ gán hẹn jijọho agun lọ tọn gble po awubibọ po do go?

  Gblọndo towe

Nado mọ lehe jijọho yin hinhẹngọwa do, pọ́n video lọ “Dín Jijọho Bosọ Nọ Doafọna Ẹn.”