Nuzedonukọnnamẹ Lẹ
ATỌ̀HỌ̀-NUHIHỌ́ LỌ TỌN
Kanbiọ: Eyin mẹde kanhose we gando olọn mẹ go, etẹwẹ a na dọ?
Wefọ: Joh 8:23
Nuzedonukọnnamẹ: Zinjẹgbonu Atọ̀họ̀-Nuhihọ́ lọ Tọn ehe dọhodo nuhe Jesu po Otọ́ etọn po dehia gando olọn go ji.
NỌ PLỌNMẸ NUGBO LỌ
Kanbiọ: Be mì kẹalọyi dọ dọdai Biblu tọn ehe basi zẹẹmẹ nuhe to jijọ to egbehe lẹ tọn ya?
Wefọ: 2Ti 3:1-5
Nugbo: To whenue e yindọ dọdai Biblu tọn gando azán godo tọn lẹ go to hẹndi mọ todin, mí sọgan deji dọ dọdai he gando sọgodo dagbe mítọn go lọsu na mọ hẹndi ga.
NAEGBỌN MÍ DONA PLỌN BIBLU? (Video)
Homẹbibiọ: Mí to video kleun de dohia gbẹtọ lẹ he dọhodo fie mí sọgan mọ gblọndo nujọnu tọn na kanbiọ titengbe gbẹ̀mẹ tọn lẹ te ji. [Hò video lọ.]
Nuzedonukọnnamẹ: Owe ehe do nuhe Biblu dọ gando lehe Jiwheyẹwhe na hẹn pọngbọ wá na nuhahun aihọn ehe tọn lẹ do go hia. [Ze owe Biblu Plọn Mí donukọnnamẹ.]
WLEAWUNA NUZEDONUKỌNNAMẸ TOWE TITI
Yí apajlẹ lọ lẹ zan nado wleawuna nuzedonukọnnamẹ towe titi.
A Gán Sọ Pọ́n Hosọ Ehelẹ
ATỌ̀HỌ̀-NUHIHỌ́ LỌ TỌN
Olọn lẹ—Nuhe Mẹdelẹ Mọ Gandego
Nuhe Biblu dọ lẹ gọalọna mí nado yọ́n lẹdo gbigbọ tọn mẹ.
NUJIJLA VONỌTAUN
Naegbọn Mí Dona Plọn Biblu?—Adà Gigọ́
Biblu to alọgọna gbẹtọ livi susu lẹdo aihọn pé nado mọ gblọndo na kanbiọ tangan gbẹ̀mẹ tọn lẹ. Be hiẹ lọsu jlo na tin to yé mẹ ya?
