39:32, 43; 40:1, 2, 16

Anademẹ he Jehovah na Mose gando gòhọtúntún lọ gbigbá po pinpẹ́n ẹn po go lẹ sù taun. Ganṣo, Mose yí sọwhiwhe do hodo anademẹ lọ lẹ. Mílọsu dona nọ kẹalọyi anademẹ depope he titobasinanu Jehovah tọn na mí bo nọ setonu madọngbàn. Mí dona nọ wàmọ eyin mí tlẹ mọdọ anademẹ lọ lẹ ma yin nujọnu sọmọ kavi mí ma yọ́n nuhewutu yé do yin nina.—Luk 16:10.

Naegbọn mí dona nọ yí sọwhiwhe do hodo anademẹ he mí nọ mọyi . . .

• to opli sinsẹ̀nzọn kunnudegbe tọn whenu?

• gando whẹho dotowhé tọn he nọ biọ dọ yè ni yinuwa to niyaniya mẹ lẹ go?

• gando awuwiwledaina owù-nujijọ lẹ go?