NUHEWUTU E DO YIN NUJỌNU: Kunnudide gbọn alokan ji yin aliho dagbe de nado ‘dekunnu wẹndagbe lọ tọn mlẹnmlẹn.’ (Ow 20:24) * E nọ zọ́n bọ mí gán dekunnu, eyin ninọmẹ lẹ ma hẹn ẹn yọnbasi nado mọ mẹlẹ tlọlọ.

LEHE MÍ SỌGAN WÀMỌ DO:

• Nọ wleawu. De hosọ de he na dọnmẹ. Enẹgodo, to nue a jlo na dọ lọ lẹ dopodopo. To whedelẹnu, a na ylọ bọ mẹlọ ma na ze bọ e na biọ dọ a ni dowẹn dai do alokan lọ ji. Na ninọmẹ mọnkọ lẹ wutu, a gán wleawuna ohó kleun de he na bayi zẹẹmẹ nuhewutu a do ylọ tọn. E ma ylan dọ a ni sinai to tafo de kọ̀n po nuhe sin hudo a na do lẹ po, di apajlẹ nuyizan he ji a gán hùn JW Library^® kavi jw.org^® te

• Nọ voawu. Nọ dọho to jọwamọ-liho. Nọ konu yẹẹ bo nọ whàngo di dọ mẹlọ to mimọ we wẹ nkọ. To whenue a to hodọ, ma nọ yí agbọ́ to ajiji mẹ blo. E nọ yọ́n nado wazọ́n dopọ hẹ mẹdevo lẹ. Eyin mẹlọ kàn kanbiọ de biọ, vọ́ kanbiọ lọ dọ daga na mẹhe to kunnude hẹ we lọ nido gọalọna we nado mọ gblọndo lọ

• Ze dodonu dai na gọyìpọn. Eyin mẹlọ do ojlo, a gán fọ́n kanbiọ de he ji mì na wá dọhodo to alokan ji. A gán sọ kanwehlan ẹn gbọn Intẹnẹt ji, yì ze owe de na ẹn tlọlọ kavi dohlan ẹn gbọn aliho devo mẹ. A gán kanbiọ ẹ eyin a gán do hosọ kavi video mítọn de hlan ẹn