Odẹ̀ he Jehovah nọ kẹalọyi lẹ taidi nuyọnwan he nọ dewán gblingblin bo nọ yin mimẹ̀ whẹwhẹ to tẹmpli mẹ to nukọn etọn. (Slm 141:2) Eyin mí nọ dohia Otọ́ olọn mẹ tọn mítọn to odẹ̀ mítọn lẹ mẹ dọ mí yiwanna ẹn bo nọ yọ́n pinpẹn nuhe e nọ wà na mí lẹ tọn, bo nọ dọ nuhe to ahun ji na mí lẹ po ojlo mítọn lẹ po na ẹn, bosọ nọ biọ anademẹ etọn, be mí to didohia dọ họntọnjiji mítọn hẹ ẹ họakuẹ na mí. Nugbo wẹ dọ Jehovah nọ pọ́n odẹ̀ gbangba tọn he yè nọ hò to opli ji bọ yé nọ to glido lẹ hlan taidi adà titengbe sinsẹ̀n-bibasi mítọn tọn de. Etomọṣo, homẹ Jehovah tọn dona nọ hùn taun to whenue mí yí whenu susu do kọ̀n nuhe to ahun ji na mí lẹ na ẹn to odẹ̀ mẹdetiti tọn mítọn lẹ mẹ.—Hwh 15:8.

PỌ́N VIDEO LỌ N’NỌ SINYẸNLIN TO ODẸ̀ MẸ, ENẸGODO NA GBLỌNDO NA KANBIỌ HE BỌDEGO LẸ:

• Lẹblanulọkẹyi sinsẹ̀nzọn tọn tẹlẹ wẹ Mẹmẹsunnu Johnson duvivi etọn?

• Nawẹ Mẹmẹsunnu Johnson ganjẹ Jehovah go to odẹ̀ mẹ gbọn?

• Etẹlẹ wẹ a plọn sọn numimọ Mẹmẹsunnu Johnson tọn mẹ?