Kanbiọ: Mẹdelẹ nọ tindo ayihaawe gando tintin Jesu tọn go, podọ mẹdevo lẹ kudeji dọ e tin. Etomọṣo, mẹdelẹ nọ dọ dọ yè ma sọgan yọnẹn eyin e tin nugbo. Etẹwẹ mì lẹn?

Nuzedonukọnnamẹ: Zinjẹgbonu Réveillez-vous! tọn ehe do nugbo lọ hia gando whẹho ehe go.

Kanbiọ: Etẹwẹ nọ jọ to whenuena mí kú?

Wefọ: Joh 11:11-14

Nugbo: To whenue mẹde kú, e masọ nọ yọ́n nude ba. Enẹwutu mí ma dona nọ dibuna mẹhe kú lẹ. Jesu yí okú jlẹdo amlọn go. Dile Jesu wà na Lazalọsi do, ewọ sọgan fọ́n mẹyiwanna mítọn lẹ sọnku, bọ yé na wá duvivi ogbẹ̀ tọn to aigba ji whladopo dogọ.—Job 14:14.

Nuzedonukọnnamẹ: E na jlo mi nado ylọ mì wá hodidọ sinai do Biblu ji vọnu de. E na yin nina to Plitẹnhọ Ahọluduta tọn mẹ to fie mí nọ basi sinsẹ̀n te. [Ze oylọ-basinamẹwe lọ donukọnna whétọ lọ, dlẹnalọdo gànmẹ opli sẹfifo tọn po fie e na yin bibasi te po, bo dọ hosọ hodidọ na mẹlẹpo tọn lọ.]

Kanbiọ: Be mì ko yì Plitẹnhọ Ahọluduta tọn de mẹ pọ́n ya? [Eyin e biọ domọ, hò video lọ Etẹwẹ Nọ Jọ to Plitẹnhọ Ahọluduta Tọn Mẹ?]