GBẸZAN KLISTIANI TỌN
Jọja lẹ Emi—Be Jehovah Wẹ Họntọn Vivẹ́ Mìtọn Ya?
Jẹhẹnu tẹlẹ wẹ a nọ dín to họntọn de go? Vlavo a nọ jlo dọ họntọn towe lẹ ni nọ yin nugbonọ, nọ jọmẹ bo nọ nanúmẹ. Jẹhẹnu ehe lẹpo wẹ Jehovah tindo. (Eks 34:6; Ow 14:17) E nọ dotoai eyin a to dẹ̀ho hlan ẹn. E nọ gọalọna we whedepopenu he a do hudo alọgọ tọn. (Slm 18:19, 35) E nọ jo nuṣiwa towe lẹ na we. (1Jo 1:9) Họntọn dagbe taun wẹ Jehovah yin.
Nawẹ a gán lẹzun họntọn Jehovah tọn gbọn? Nọ hia Ohó etọn nado yọ́n ewọ dogọ. Nọ dọ homẹ na ẹn. (Slm 62:8; 142:2) Nọ dohia dọ nuhe yin nujọnu na Jehovah lẹ yin nujọnu to gbẹzan towe mẹ, di apajlẹ Visunnu etọn, Ahọluduta lọ gọna opagbe he e do gando sọgodo go lẹ. Nọ dọhona mẹdevo lẹ gando ewọ go. (De 32:3) Eyin a jihọntọn pẹkipẹki hẹ Jehovah, ewọ na lẹzun Họntọn towe kakadoi.—Slm 73:25, 26, 28.
PỌ́N VIDEO LỌ JỌJA LẸ EMI—MÌ “DỌ́PỌ́N BO MỌDỌ JEHOVAH YỌ́N,” ENẸGODO NA GBLỌNDO NA KANBIỌ HE BỌDEGO LẸ:
-
Etẹlẹ wẹ a gán wà nado pegan na klandowiwe po baptẹm po?
-
Nawẹ hagbẹ agun lọ tọn lẹ gán gọalọna we nado sẹ̀n Jehovah gbọn?
-
Nawẹ lizọnyizọn lọ gán hẹn haṣinṣan towe po Jehovah po lodo gbọn?
-
A gán yin họntọn Jehovah tọn kakadoi!
Dotẹnmẹ sinsẹ̀nzọn tọn tẹlẹ wẹ hundote na we?
-
Etẹwẹ a yiwanna gando Jehovah go?
