Jesu lá “wẹndagbe Ahọluduta Jiwheyẹwhe tọn.” (Luk 4:43) E sọ plọn mẹlẹ nado nọ hodẹ̀ na Ahọluduta enẹ. (Mt 6:9, 10) To novembre mẹ, mí na dovivẹnu vonọtaun nado lá Ahọluduta Jiwheyẹwhe tọn na mẹlẹ. (Mt 24:14) Enẹwutu, bayi tito nado tindo mahẹ gigọ́ to nujijla ehe mẹ. Mẹdepope he jlo na yin gbehosọnalitọ alọgọtọ tọn to osun enẹ mẹ sọgan de nado jẹ yanwle gànmẹ 30 kavi 50 tọn kọ̀n.

Eyin e yọnbasi, hia wefọ he dọho gando Ahọluduta Jiwheyẹwhe tọn go na mẹsusu to aigba-denamẹ mìtọn ji. Nọ hẹn sinsẹ̀n hosetọ towe lẹ tọn do ayiha mẹ to whenue a to wefọ he a na hia lẹ de. Eyin mẹde do ojlo hia to dlapọn tintan whenu, yí zinjẹgbonu Atọ̀họ̀-Nuhihọ́ lọ Tọn mẹlẹpo tọn Sọha 2tọ 2020 tọn dopo na ẹn. Enẹgodo, tẹnpọn bo yawu basi gọyìpọn na jlodotọ lọ bo bẹ plọnmẹ Biblu de jẹeji po owe de po sọn Azọ́nwanu Mẹpinplọn tọn mítọn mẹ. Zande din, Ahọluduta Jiwheyẹwhe tọn na gídí gandudu he diọnukunsọ ẹ lẹpo. (Da 2:44; 1Kọ 15:24, 25) Enẹwutu, mì gbọ mí ni yí dotẹnmẹ vonọtaun ehe zan to gigọ́ mẹ nado do mẹdezejo mítọn hia na Jehovah po Ahọluduta etọn po!