NUHỌAKUẸ LẸ SỌN OHÓ JIWHEYẸWHE TỌN MẸ | SALMU 119
“Nọ Zinzọnlin Sọgbe hẹ Osẹ́n Jehovah Tọn”
Nado zinzọnlin sọgbe hẹ osẹ́n Jehovah tọn nọ biọ dọ mí ni litai sọn ojlo mẹ wá na anademẹ etọn lẹ. Mí tindo apajlẹ mẹsusu tọn to Biblu mẹ, he hodo osẹ́n Jehovah tọn bosọ ganjẹ ewọ go, taidi salmu-kantọ lọ.
Mí na tindo ayajẹ nujọnu tọn eyin mí nọ zinzọnlin sọgbe hẹ osẹ́n Jiwheyẹwhe tọn
Jọṣua dejido anademẹ Jehovah tọn go mlẹnmlẹn. Ewọ yọnẹn dọ eyin emi na tindo ayajẹ po kọdetọn dagbe po, emi dona yí ahun lẹpo do dejido Jehovah go
Ohó Jiwheyẹwhe tọn nọ na mí adọgbigbo he mí tindo nuhudo etọn nado pehẹ whlepọn gbẹ̀mẹ tọn lẹ
Jelemia do adọgbigbo po jidide po hia to Jehovah mẹ to whenue e tin to nuhahun mẹ. E hẹn gbẹzan etọn bọawu bo sinyẹnlin to azọ́ndenamẹ etọn mẹ
Oyọnẹn he pegan Ohó Jiwheyẹwhe tọn nọ na mí jide nado dọyẹwheho
Paulu ma dibu nado lá owẹ̀n Jiwheyẹwhe tọn na mẹdepope. E dejido Jehovah go mlẹnmlẹn to whenue e yí adọgbigbo do dọyẹwheho na Ayimatẹn-gán Feliksi
Ninọmẹ tẹlẹ mẹ wẹ n’sọgan do jidide hia dogọ te to whenue n’to kunnudena mẹdevo lẹ?
-
To wehọmẹ
-
To azọ́nmẹ
-
To whẹndo mẹ
-
Na mẹdevo lẹ
