AWUWIWLENA LIZỌNYIZỌN KUNNUDEGBE TỌN | YIDOGỌNA AYAJẸ TOWE TO LIZỌNYIZỌN LỌ MẸ
Kẹalọyi Alọgọ Azọ́nwatọ Hatọ Towe lẹ Tọn
Nunina de sọn Jehovah dè wẹ ‘pipli mẹmẹsunnu mítọn lẹ tọn pete’ yin. (1Pi 5:9) Yé gán gọalọna mí nado nọ duto aliglọnnamẹnu he mí nọ pehẹ to lizọnyizọn lọ mẹ lẹ ji. Di apajlẹ, apọsteli Paulu mọ godonọnamẹ Akuila po Pliskila po tọn, gọna Sila, Timoti po mẹsusu devo lẹ po tọn.—Ow 18:1-5.
Nawẹ azọ́nwatọ hatọ towe lẹ gán gọalọna we to lizọnyizọn lọ mẹ gbọn? Yé gán na we ayinamẹ dagbe lẹ nado duto hodidọ aliglọnnamẹ tọn lẹ ji, nado nọ basi gọyìpọn lẹ, kavi nado nọ ze plọnmẹ Biblu lẹ donukọnnamẹ bosọ nọ deanana yé. Lẹnnupọndo mẹhe to agun towe mẹ bo gán gọalọna we to adà he mẹ a do hudo te de ji bo biọ alọgọ etọn. Matin ayihaawe, e na wà dagbe na mìmẹ awe lẹpo bo na yidogọna ayajẹ mìtọn.—Flp 1:25.
PỌ́N VIDEO LỌ NỌ MỌ AYAJẸ HE NỌ WÁ SỌN GBẸTỌ LẸ HINHẸN ZUN DEVI MẸ—KẸALỌYI ALỌGỌ JEHOVAH TỌN—MẸMẸSUNNU MÍTỌN LẸ, ENẸGODO NA GBLỌNDO NA KANBIỌ HE BỌDEGO LẸ:
-
Nawẹ Anita tẹnpọn nado whàn Jani na e nido wá opli agun tọn de gbọn?
-
Naegbọn e do yin nuyọnẹnnu dọ mí ni nọ ylọ wẹnlatọ devo lẹ na yé nido nọ hodo mí yì plọnmẹ Biblu mítọn lẹ tẹnmẹ?
-
Agun lọ blebu wẹ nọ gọalọ nado hẹn mẹde zun devi
Etẹwẹ Jani po Mama Abi po do to kọndopọ mẹ?
-
Nudagbe tẹlẹ wẹ a gán plọn sọn azọ́nwatọ hatọ towe lẹ dè nado hẹn lizọnyizọn towe pọnte?
