AWUWIWLENA LIZỌNYIZỌN KUNNUDEGBE TỌN | YIDOGỌNA AYAJẸ TOWE TO LIZỌNYIZỌN LỌ MẸ

Nọ Yí Azọ́nwanu Dodinnanu Tọn Mítọn lẹ Zan

MÌ HÒ (video kavi hoyidokanji lọ)

Jehovah jlo dọ mí ni nọ plọnmẹ po azọ́nyinyọnẹn po. Enẹwutu, e na mí azọ́nwanu delẹ taidi video lẹ, alọnuwe pẹvi lẹ, linlinwe lẹ, alọnuwe lẹ, owe lẹ po azọ́nwanu tangan mítọn, Biblu po. (2Ti 3:16) E sọ na mí azọ́nwanu dodinnanu tọn lẹ he gán gọalọna mí nado nọ basi zẹẹmẹ Owe-wiwe lẹ tọn. Delẹ to azọ́nwanu lọ lẹ mẹ wẹ Watchtower Library, aplikasiọn JW Library^®, WESẸDOTẸN INTẸNẸT JI TỌN Watchtower Tọn™ po Anademẹwe Dodinnanu Tọn Na Kunnudetọ Jehovah Tọn Lẹ po.

A na mọ ayajẹ, eyin a nọ yí azọ́nwanu he a do lẹ zan nado basi dodinnanu sisosiso do Biblu ji. Nọ gọalọna nuplọntọ towe lẹ na yé nido yọ́n azọ́nwanu enẹlẹ zan. E na vivi na yé taun, eyin yelọsu nọ mọ gblọndo na kanbiọ sinai do Biblu ji yetọn lẹ.

PỌ́N VIDEO LỌ NỌ MỌ AYAJẸ HE NỌ WÁ SỌN GBẸTỌ LẸ HINHẸN ZUN DEVI MẸ—KẸALỌYI ALỌGỌ JEHOVAH TỌN—NỌ YÍ AZỌ́NWANU DODINNANU TỌN LẸ ZAN, ENẸGODO NA GBLỌNDO NA KANBIỌ HE BỌDEGO LẸ:

Etẹwẹ Jani dọ gando nudida go bọ e ma sọgbe?
Fitẹ Anita mọ nudọnamẹ lẹ te gando whẹho lọ go?
Mí na mọ ayajẹ eyin mí nọ dín nuhọakuẹ gbigbọmẹ tọn lẹ bosọ nọ má ẹn hẹ mẹdevo lẹ

Nawẹ e de nudọnamẹ he sọgbe hẹ ninọmẹ Jani tọn gbọn?
Nawẹ azọ́nwanu dodinnanu tọn mítọn lẹ zinzan yinuwado Anita ji gbọn?