To osun novembre tọn mẹ, mí na dovivẹnu vonọtaun nado lá wẹndagbe lọ dọ ogbẹ̀ dagbe de to yakẹ. (Slm 37:10, 11; Osọ 21:3-5) Enẹwutu, basi tito nado tindo mahẹ gigọ́ to nujijla ehe mẹ. Eyin a doalọwemẹ nado basi gbehosọnalitọ alọgọtọ tọn to osun enẹ mẹ, a gán de nado jẹ yanwle gànmẹ 30 kavi 50 tọn kọ̀n.

Wleawu nado hia wefọ de he dọhodo aihọn yọyọ lọ ji na mẹsusu. To whenue a to wefọ Biblu tọn he a na hia de, lẹnnupọndo dehe na dọ̀n mẹhe to aigba-denamẹ mìtọn ji lẹ ji. Eyin mẹde do ojlo hia to dlapọn tintan whenu, yí zinjẹgbonu Atọ̀họ̀-Nuhihọ́ lọ Tọn mẹlẹpo tọn Sọha 2tọ 2021 tọn dopo na ẹn. Enẹgodo, tẹnpọn bo yawu basi gọyìpọn na jlodotọ lọ bo bẹ plọnmẹ Biblu de jẹeji po alọnuwe Duvivi Ogbẹ̀ Tọn Kakadoi! po. Be homẹ mítọn ma na hùn nado hẹn alọnu mítọn ján to “wẹndagbe nudagbe tọn” lilá mẹ ya?—Isa 52:7.

PỌ́N VIDEO OHÀN TỌN LỌ AIHỌN YỌYỌ HE JA, ENẸGODO NA GBLỌNDO NA KANBIỌ HE BỌDEGO LẸ:

• Todido jiawu sọgodo tọn tẹ ji wẹ viyọnnu lọ to nulẹnpọn do?

• Nuhe mí to nukundo to aihọn yọyọ mẹ tẹlẹ wẹ a to jejeji na?

• Nawẹ ayihamẹlinlẹnpọn do todido towe ji na gọalọna we nado tindo mahẹ gigọ́ to nujijla he mí na basi to novembre mẹ lọ mẹ gbọn?—Luk 6:45