Alọwle Klistiani tọn he tindo kọdetọn dagbe lẹ nọ hẹn gbégbò wá na Jehovah bọ asu po asi po lọ lẹ nọ tindo ayajẹ. (Mk 10:9) Klistiani he jlo dọ alọwle yetọn ni dẹn-to-aimẹ bo gọ́ na ayajẹ lẹ nọ tẹdo nunọwhinnusẹ́n Biblu tọn lẹ go to whenue yé jlo na de alọwlemẹ yetọn.

Biọ họntọn mẹ kiki whenue a “ko zẹ̀ owhe aflanmẹ tọn” go, yèdọ ojlẹ he mẹ ojlo zanhẹmẹ tọn nọ sinyẹn te bo gán glọnalina we nado basi nudide nuyọnẹn tọn. (1Kọ 7:36) Yí tlẹnmẹninọ towe zan nado hẹn haṣinṣan towe hẹ Jiwheyẹwhe lodo bo wleawuna jẹhẹnu Klistiani tọn lẹ. Ehe na gọalọna we nado yidogọna kọdetọn dagbe alọwle towe tọn.

Whẹpo a nado yigbe bo wlealọ hẹ mẹde, yí whenu nado yọ́n “omẹ whiwhla ahun mẹ tọn” mẹlọ tọn. (1Pi 3:4) Eyin nude fọ́n ayihaawe dote na we gando mẹlọ go, dọho hẹ ẹ deji. To haṣinṣan gbẹtọvi tọn depope mẹ, nujọnu wẹ e yin nado nọ ze ayiha do nuhe a jlo na na hatọ towe ji, e ma yin do nuhe a gán mọyi sọn e si ji. Nudopolọ wẹ na alọwle lọsu. (Flp 2:3, 4) Eyin a nọ hodo nunọwhinnusẹ́n Biblu tọn lẹ todin, be a to dodonu dagbe de zedai nado wá do ayajẹ to alọwle mẹ to osọ.

PỌ́N VIDEO LỌ AWUWIWLENA ALỌWLE—ADÀ 3TỌ: “LẸN AKUẸ ETỌN WHẸ́,” ENẸGODO NA GBLỌNDO NA KANBIỌ HE BỌDEGO LẸ:

• Nawẹ haṣinṣan mẹmẹyọnnu lọ tọn hẹ Jean yì do?

• Etẹ go wẹ e wá doayi to whenue e to akọjẹhẹ Jean dogọ?

• Nawẹ mẹjitọ etọn lẹ gọalọna ẹn gbọn, podọ nudide nuyọnẹn tọn tẹwẹ e wá basi?