Azán godo tọn lẹ gọ́ na nuhahun. E họnwun dọ dile opodo to sisẹpọ, nuhahun lẹ na to susudeji. Mí gán nọ jẹdò nudelẹ tọn to ojlẹ delẹ mẹ. (Hab 3:16-18) Etẹwẹ gán gọalọna mí nado nọ yí jidide do pannukọn nuhahun akuẹzinzan tọn lẹ? Mí dona nọ dejido Jehovah, Jiwheyẹwhe mítọn go. Sọgbe hẹ opà he e do, e gán penukundo devizọnwatọ etọn lẹ go to ninọmẹ depope mẹ.—Slm 37:18, 19; Heb 13:5, 6.

Nuhe a gán wà:

• Nọ vẹ̀ Jehovah bo nọ biọ anademẹ, nuyọnẹn po godonọnamẹ etọn po.—Slm 62:8

• Wleawufo nado kẹalọyi azọ́n he nkọ a ma na ko jlo nado wà.—g-F 1/10 8-9, apotin

• Hẹn aṣa gbigbọmẹ tọn dagbe lẹ go, ehe bẹ Biblu hihia egbesọegbesọ, opli lẹ yìyì po mahẹ tintindo to lizọnyizọn lọ mẹ po hẹn

PỌ́N VIDEO LỌ GBÁ OHỌ̀ DE HE NA DẸN-TO-AIMẸ—MÌ “TINDO PEKỌ PO NUHE MÌ TINDO LẸ PO,” ENẸGODO NA GBLỌNDO NA KANBIỌ HE BỌDEGO LẸ:

• Nuhahun tẹlẹ wẹ whẹndo delẹ pehẹ?

• Etẹwẹ yin nujọnu hugan to gbẹ̀mẹ?

• Nawẹ mí gán nọ gọalọna mẹhe do nuhahun akuẹzinzan tọn lẹ gbọn?