Nugbo lọ Gando Ahọluduta Jiwheyẹwhe Tọn Go
Jesu plọn hodotọ etọn lẹ nado nọ hodẹ̀ dọmọ: “Otọ́ mítọn he tin to olọn mẹ, na oyín towe ni yin kinklandowiwe. Na Ahọluduta towe ni wá. Na ojlo towe ni yin wiwà, kẹdẹdi to olọn mẹ, mọdopolọ to aigba ji.” (Matiu 6:9, 10) Etẹwẹ Ahọluduta Jiwheyẹwhe tọn yin? Etẹwẹ e na wà? Podọ naegbọn mí dona nọ hodẹ̀ dọ ni wá?
Jesu wẹ Ahọlu Ahọluduta lọ tọn.
Luku 1:31-33: “Hiẹ nasọ ylọ oyín etọn dọ Jesu. Ewọ na klo bo na yin yiylọdọ Visunnu Gigogán lọ tọn, Jehovah Jiwheyẹwhe nasọ yí ofìn Davidi otọ́ etọn tọn na ẹn, ewọ nasọ yin Ahọlu do owhé Jakọbu tọn ji kakadoi, podọ Ahọluduta etọn ma na wá opodo.”
Ahọluduta lọ ji wẹ yẹwhehodidọ Jesu tọn sinai do.
Matiu 9:35: “Jesu sọ to gbejizọnlinzin gbọn tòdaho po gbétatò lẹpo po mẹ, bo to mẹplọn to sinagọgu yetọn lẹ mẹ bosọ to yẹwheho wẹndagbe Ahọluduta lọ tọn dọ bo to azọ̀n wunmẹ lẹpo po madogán wunmẹ lẹpo po hẹngbọ.”
Jesu na ohia de devi etọn lẹ nado yọ́n whenue Ahọluduta lọ na wá.
Matiu 24:7: “Na akọta na fọ́n do akọta ji podọ ahọluduta do ahọluduta ji, bọ núdùdù whèdomẹ po aigba sisọsisọ lẹ po na tin sọn fide jẹ fide.”
Devi Jesu tọn lẹ to Ahọluduta lọ lá lẹdo aihọn pé todin.
Matiu 24:14: “Podọ yẹwheho wẹndagbe Ahọluduta lọ tọn ehe na yin didọ to aigba fininọ lẹpo ji taidi okunnu de na akọta lẹpo, podọ whenẹnu wẹ opodo lọ na wá.”
A Gán Sọ Pọ́n Hosọ Ehelẹ
GBLỌNDO NA KANBIỌ SINAI DO BIBLU JI LẸ
Etẹwẹ Ahọluduta Jiwheyẹwhe Tọn Yin?
Lẹnnupọndo nuhewutu gandudu Jiwheyẹwhe tọn yiaga hú gandudu he pò lẹpo ji.
NUPLỌNMẸ TANGAN BIBLU TỌN LẸ
Etẹwẹ Ahọluduta Jiwheyẹwhe Tọn Yin?
Ahọluduta Jiwheyẹwhe tọn ji wẹ Jesu dọhodo hugan to lizọnyizọn etọn whenu. Na owhe susu lẹ, hodotọ etọn lẹ nọ hodẹ̀ dọ Ahọluduta enẹ ni wá.
