Taidi María, Raúl po Arne po, mẹsusu wẹ nọ yiwanna dẹ̀hiho. Yé nọ mọdọ emi gán dọhona Jiwheyẹwhe to odẹ̀ mẹ, dopẹna ẹn bosọ biọ dọ ni gọalọna emi. Yé yise dọ nue Biblu dọ gando odẹ̀ go yin nugbo. Nue Biblu dọ die: ‘Ehe wẹ jidide he mí tindo to ewọ mẹ, dọ nudepope he mí biọ sọgbe hẹ ojlo etọn, ewọ nọ sè mítọn.’—1 Johanu 5:14.

Mẹsusu devo lẹ tin bo ma yí nue Biblu dọ gando odẹ̀ go sè. Nue Steve uwọ dọ die: “Dee n’do whe 17, atọ̀n to họntọn ṣie lẹ mẹ wẹ kú to ninọmẹ ylankan mẹ. Mẹdopo bayi asidan po mọto po bọ mẹ awe diẹ lẹ kútọ.” Nawẹ Steve bayi do? E dọmọ: “N’kanse Jiwheyẹwhe nuewutu ehe lẹpo do jọ, amọ́ e ma siọ mi. N’wá kanse dee dọ, ‘Naegbọn mí do nọ  hodẹ̀ lo?’” E taidi dọ mẹsusu wẹ nọ mọdọ dẹ̀hiho ma doale, na yé nọ lẹndọ Jiwheyẹwhe ma nọ siọ yé.

Nudevo lẹ sọ nọ zọ́n bọ mẹlẹ nọ lẹndọ dẹ̀hiho ma doale. Mẹdelẹ nọ dọ dọ e ma yin dandan dọ mí ni hodẹ̀, na Jiwheyẹwhe yọ́n nulẹpo, e yọ́n hudo mítọn lẹ po nuhahun mítọn lẹ po.

Mẹdevo lẹ nọ lẹndọ Jiwheyẹwhe ma nọ sè odẹ̀ yetọn lẹ, na nuylankan he yé ko wà wayi lẹ wutu. Pọ́n apajlẹ Jenny tọn. E dọmọ: “Yẹn uwọ nọ mọ vọ́ mẹ na dee taun. N’o ṣì nudelẹ wà he nọ vẹna mi bọ n’yọnẹn dọ Jiwheyẹwhe ma gán sè odẹ̀ gbẹtọ yẹn nkọ lẹ tọn.”

Bọ hiẹ lo? Etẹwẹ a nọ lẹn gando odẹ̀ go? Vlavo eyin hiẹ lọsu nọ lẹn nudopolọ di mẹe sin hó mí dọ lẹ, nue Biblu dọ na miọnhomẹna we. Biblu dọ nugbo na mí do odẹ̀ go; * podọ e na gblọndo na kanbiọ taidi ehelẹ nkọ:

• Be Jiwheyẹwhe nọ sè odẹ̀ mítọn lẹ nugbo ya?

• Naegbọn ewọ ma nọ siọ to whedelẹnu?

• Etẹwẹ a gán wà na Jiwheyẹwhe nido nọ sè odẹ̀ towe?

• Ale tẹwẹ dẹ̀hiho gán hẹnwa na we?