LEHE MÍ GÁN GBAWHÀN WANGBẸNA TỌN DO
3 | De Wangbẹna Sẹ̀ Sọn Ayiha Towe Mẹ
Nuhe Biblu Plọn Mí:
“Mì yin adàdiọna gbọn ayiha mìtọn didiọ dali, na mì nido sọgan mọdona ojlo Jiwheyẹwhe tọn he yọ́n, bo yin alọkẹyi bosọ yin pipé lọ.”—LOMUNU LẸ 12:2.
Nuhe E Zẹẹmẹdo:
Nuhe mí nọ lẹn lẹ nọ duahunmẹna Jiwheyẹwhe. (Jelemia 17:10) Dile etlẹ yindọ mí dona nọ dapana nuhe nọ gbleawunamẹ lẹ didọ kavi wiwà, mí sọ dona wà nususu humọ. Wangbẹna nọ bẹjẹeji sọn ayiha po ahun po mẹ. Enẹwutu, mí dona nọ yawu doalọtena nulinlẹnpọn do nudepope he na zọ́n bọ mí na do numọtolanmẹ wangbẹna tọn lẹ ji. Whenẹnu kẹdẹ wẹ mí gán “yin adàdiọna” nugbonugbo, bo gbawhàn wangbẹna tọn.
Nuhe A Gán Wà:
Yí sọwhiwhe do lẹnnupọndo pọndohlan po numọtolanmẹ towe gando mẹdevo lẹ go po ji—titengbe mẹhe wá sọn akọ̀ kavi otò devo mẹ lẹ. Nọ kanse dewe dọ: ‘Nukun tẹwẹ n’do nọ pọ́n yé? Be pọndohlan ṣie nọ sinai do nuhe n’yọnẹn gando yé go lẹ ji ya? Kavi do nuvẹun ji?’ Nọ dapana nọtẹn Intẹnẹt tọn, sinima kavi aihundida he nọ do nuyiwa wangbẹna po danuwiwa po tọn hia lẹ.
Ohó Jiwheyẹwhe tọn gán gọalọna mí nado gbawhàn wangbẹna tọn to ayiha po ahun mítọn po mẹ
E ma nọ bọawu to whelẹponu nado gbeje linlẹn po numọtolanmẹ mítọn lẹ po pọ́n ganji. Amọ́, Ohó Jiwheyẹwhe tọn gán gọalọna mí nado “yọ́n linlẹn po ojlo ahun mẹ tọn lẹ po.” (Heblu lẹ 4:12) Enẹwutu, nọ gbadopọnna Biblu whẹwhẹ. Nọ yí nuplọnmẹ etọn lẹ jlẹdo linlẹn towe lẹ go, bosọ wà nuhe go a pé lẹpo nado hẹn linlẹn towe lẹ sọgbe hẹ nuhe Biblu plọnmẹ lẹ. Ohó Jiwheyẹwhe tọn gán gọalọna mí nado gbawhàn wangbẹna he ko “hẹnai” to ayiha po ahun mítọn mẹ po tọn.—2 Kọlintinu lẹ 10:4, 5.
A Gán Sọ Pọ́n Hosọ Ehelẹ
BIBLU NỌ DIỌ GBẸZAN MẸTỌN
N’Jo Osò Hinhẹn Do
Pọ́n lehe owẹ̀n homẹmiọnnamẹ tọn he to Biblu mẹ gọalọna Cindy nado jo hùnyinylan do bo diọ gbẹtọ-yinyin etọn do.
