LEHE MÍ GÁN GBAWHÀN WANGBẸNA TỌN DO
4 | Jiwheyẹwhe Gán Gọalọna Mí Nado Gbawhàn Wangbẹna Tọn
Nuhe Biblu Plọn Mí:
“Sinsẹ́n gbigbọ tọn wẹ owanyi, ayajẹ, jijọho, homẹfa, homẹdagbe, dagbewà, yise, walọmimiọn, mawazẹjlẹgo.”—GALATIANU LẸ 5:22, 23.
Nuhe E Zẹẹmẹdo:
Jiwheyẹwhe wẹ gán gọalọna mí nado gbawhàn wangbẹna tọn. Gbigbọ wiwe etọn gán gọalọna mí nado wleawuna jẹhẹnu delẹ he mílọsu ma gán wleawuna gbede. Enẹwutu, kakati mí ni tẹnpọn nado duto wangbẹna ji po huhlọn mídetiti tọn po, e na yọ́n dọ mí ni nọ ganjẹ alọgọ he Jiwheyẹwhe nọ namẹ go. Eyin mí wàmọ, mí gán do numọtolanmẹ apọsteli Paulu tọn nkọ, mẹhe wlan dọmọ: “To nulẹpo mẹ, yẹn tindo huhlọn lọ gbọn mẹlọ he nọ na mi huhlọn dali.” (Filipinu lẹ 4:13) Podọ, mí na penugo nado dọ dọ: “Jehovah dè wẹ alọgọ ṣie nọ wá sọn.”—Salmu lẹ 121:2.
Nuhe A Gán Wà:
“Jehovah ko diọ dawe danuwatọ he n’yin lọ zun gbẹtọ jijọhonọ.”—WALDO
Nọ hodẹ̀ vivẹ́ hlan Jehovah nado biọ gbigbọ wiwe etọn. (Luku 11:13) Nọ biọ to e si dọ ni gọalọna we nado nọ do jẹhẹnu etọn nkọ lẹ hia to gbẹzan towe mẹ. Nọ plọn nuhe Biblu dọ gando jẹhẹnu he na zọ́n bọ a na duto wangbẹna ji lẹ go taidi, owanyi, jijọho, homẹfa po mawazẹjlẹgo po. Nọ dín aliho lẹ nado wleawuna jẹhẹnu enẹlẹ to gbẹzan towe mẹ. Podọ, nọ dogbẹ́ hẹ mẹhe sọ nọ dovivẹnu nado do jẹhẹnu mọnkọ hia lẹ. Omẹ ehelẹ gán gọalọna we bosọ ‘dozolanmẹna we hlan owanyi po azọ́n dagbe lẹ po kọ̀n.’—Heblu lẹ 10:24; nudọnamẹ odò tọn.
A Gán Sọ Pọ́n Hosọ Ehelẹ
GBLỌNDO NA KANBIỌ SINAI DO BIBLU JI LẸ
Etẹwẹ Biblu Dọ Gando Homẹgble Go?
Be e sọgbe nado nọ gblehomẹ wẹ ya? Etẹwẹ a dona wà to whenue e jẹ finfọn ji?
