Mímẹpo wẹ okú to tepọn. Amọ́, be okú wẹ vivọnu nulẹpo tọn ya? Be mẹhe kú lẹ tọn ko vọ̀ ján niyẹn ya? Be todido de tin na mẹhe kú lẹ ya?

MẸHE KÚ LẸ TỌN MA KO VỌ̀ DO FINẸ

“Mẹhe to yọdò oflin tọn lẹ mẹ lẹpo na . . . tọ́njẹgbonu.”—Johanu 5:28, 29.

Jiwheyẹwhe ma nọ wọn mẹhe kú lẹ; mẹhe tin to oflin etọn mẹ lẹ na gọwá ogbẹ̀.

FỌNSỌNKU DE NA TIN TO AIGBA JI

“Fọnsọnku dodonọ lẹ po mawadodonọ lẹ po tọn de na tin.”—Owalọ lẹ 24:15.

Gbẹtọ liva susu wẹ na yin hinhẹn gọwá ogbẹ̀ bo na nọgbẹ̀ kakadoi to jijọho susugege mẹ.

FỌNSỌNKU MA YIN HOPÀDỌ

“[Jiwheyẹwhe] nọ hia sọha sunwhlẹvu lẹ tọn; e sọ nọ ylọ oyín yemẹpo tọn.”—Salmu lẹ 147:4.

Na Jiwheyẹwhe yọ́n oyín sunwhlẹvu lẹpo tọn wutu, e bọawu taun dọ ni flin mẹhe e na fọnsọnku lẹ.