Taidi susu mítọn lẹ, vlavo a gán nọ mọdọ e nọ vẹawuna we nado flin nuhe a plọn lẹ. Amọ́, be a doayi lehe apajlẹ Jesu tọn lẹ nọ yawu wá ayiha mẹ namẹ do go ya? A gán nọ yí nukun homẹ tọn do mọ yé, podọ ehe nọ gọalọna we nado flin yé. Mọdopolọ, a gán nọ flin susu nuhe a plọn lẹ tọn eyin a nọ yí nukun homẹ tọn do pọ́n yé. Nawẹ a gán wàmọ gbọn? Gbọn yẹdide lẹ dide dali dile a to nuplọn.

Mẹhe nọ de yẹdide nuyọyọ he plọn yé te lẹ tọn lẹ nọ saba flin yé hugan. Yé nọ mọdọ gbọnvona dọ wlẹnwin ehe nọ gọalọna yé nado flin hogbe lẹ, e sọ nọ zọ́n bọ yé nọ flin linlẹn po nudọnamẹ tangan lẹ po. Yẹdide yetọn lẹ ma nọ yin yẹdide anazọ́nwiwa tọn lẹ, amọ́ yẹdide kleunkleun he bọawu lẹ. Podọ kunnudenu lẹ ko dohia dọ mẹhe ko whẹ́n mẹho lẹ na taun tọn gán mọaleyi sọn aliho nupinplọn tọn ehe mẹ.

To whedevonu he a na plọnnu, a gán jlo na tẹ́n ehe pọ́n, enẹ wẹ nado de yẹdide nuhe a plọn delẹ tọn. E gán paṣa we nado mọ obá he mẹ a na flin nuhe a plọn lẹ jẹ!