Sisi Nina Mẹdetiti
NUHEWUTU SISI NINA MẸDETITI DO YIN NUJỌNU
Mẹhe nọ na sisi yedetiti lẹ gán pehẹ whlepọn gbẹ̀mẹ tọn lẹ po jidide po. Yé ma nọ yawu hònúpla.
-
Dodinnanu de dohia dọ mẹhe nọ mọ ovọ́ mẹ na yede lẹ gán nọ yawu pò na lẹnpọn po apọṣimẹ po, podọ yé gán nọma dùnú ganji kavi gán nọ dùnú zẹjlẹgo. E gán sọ nọ bọawuna yé nado ṣì ahàn sinsinyẹn po amasin adínọ po zan.
-
Mẹhe nọ na sisi yedetiti lẹ ma nọ yí yede jlẹdo mẹdevo lẹ go. Enẹwutu, yé gán nọ wanu dopọ hẹ mẹhe lẹdo yé lẹ bọ họntọn he yé na ji lẹ na nọ yin họntọn alọmayiemẹ lẹ. Amọ́, mẹhe ma nọ na sisi yede sọmọ lẹ gán nọ yawu mọhodọdomẹgo, ehe gán zọ́n bọ nuwadopọ hẹ mẹdevo lẹ na vẹawu.
-
Eyin adán tlẹ gbò mẹhe nọ na sisi yedetiti lẹ, yé ma nọ jogbe. Yé ma nọ dike na nuhahun lẹ ni glọnalina yé ma nado jẹ yanwle yetọn kọ̀n. Amọ́, mẹhe ma nọ na sisi yedetiti sọmọ lẹ nọ saba yí nuhahun flinflin lẹ do mọ nuhahun sinsinyẹn. Po enẹ po, yé gán nọ yawu hònúpla.
NUHE A GÁN WÀ
Nọ de họntọn he gán jlọ we dote lẹ. Nọ dogbẹ́ hẹ mẹhe nọ símẹ, bọ onú towe nọ duahunmẹna nugbonugbo, bọ yé gán na we tuli lẹ.
Nọ gọalọnamẹ. A na do ayajẹ jọ ayajẹ he nunamẹ nọ hẹnwa eyin a nọ jọmẹ bo nọ wà dagbe namẹ, etlẹ yin na mẹhe ma gán wá sú ahọ́ etọn we lẹ. A na do ayajẹ, eyin mẹlẹ ma tlẹ doayi dagbe he a wà lọ go.
Plọn ovi towe lẹ nado nọ na sisi yedetiti. Aliho de he mẹ a gán wàmọ te wẹ nado nọ dike yelọsu ni dín pọngbọ na nuhahun yetọn lẹ, jẹ obá he mẹ yé gán hẹn jẹ. Po enẹ po, ovi lẹ nọ plọn nado pehẹ nuhahun lẹ bosọ duto yé ji. Ehe nọ gọalọna ovi lẹ nado nọ na sisi yedetiti bọ yé sọ nọ duale etọn eyin yé whẹ́n mẹho.
NUHE MÍ TO WIWÀ
Opli Kunnudetọ Jehovah tọn lẹ tọn po tito Biblu pinplọnmẹ tọn yetọn po nọ gọalọna mẹlẹ nado hẹn gbẹzan yetọn pọnte bọ ehe nọ yidogọna sisi he yé nọ na yede.
OPLI MÍTỌN LẸ
To opli he mí nọ basi to sẹmẹsẹmẹ lẹ ji, yè nọ yí Biblu do dọhona mí bọ mí nọ saba mọ ayinamẹ lẹ do lehe mí gán plọn nado nọ na sisi mídetiti do ji. Vọnu wẹ opli mítọn lẹ bọ mẹdepope wẹ gán wá. Di apajlẹ, to opli mítọn lẹ ji, a na plọn . . .
-
nuhewutu a do họakuẹ na Jiwheyẹwhe
-
lehe a gán yọ́n nuhewutu a do to gbẹ̀mẹ do
-
lehe a gán jihọntọn alọmayiemẹ lẹ do
A nasọ mọ họntọn jọ họntọn he nọ hò ode awetọ tọn pọ́n lẹ.—1 Kọlintinu lẹ 12:25, 26.
Eyin a jlo na mọ nudọnamẹ devo lẹ gando opli mítọn lẹ go, dín video kleun lọ Etẹwẹ Nọ Jọ to Plitẹnhọ Ahọluduta Tọn? to jw.org ji.
TITO BIBLU PINPLỌN TỌN MÍTỌN
Mí nọ yí owe lọ Duvivi Ogbẹ̀ Tọn Kakadoi! do ze tito Biblu pinplọn tọn de donukọnna mẹlẹ vọnu. Owe ehe bẹ wefọ tangan lẹ, hoyijlẹdohogo, kanbiọ mẹhẹnlẹnnupọn tọn, video he nọ whànmẹ taun po yẹdide dagbedagbe lẹ po hẹn. Tito Biblu pinplọn tọn lọ nọ gọalọna mẹlẹ nado mọdọ emi họakuẹ bosọ hẹn gbẹzan yetọn pọnte.
Eyin a jlo na mọ lehe Biblu pinplọn hẹ Kunnudetọ Jehovah tọn lẹ gán hẹn ale wá na we do, dín video kleun lọ Naegbọn Mí Dona Plọn Biblu? to jw.org ji.
A Gán Sọ Pọ́n Hosọ Ehelẹ
GBLỌNDO NA KANBIỌ SINAI DO BIBLU JI LẸ
Etẹwẹ Biblu Dọ Gando Wanyina Mẹdetiti Go?
Jesu dọmọ: “Hiẹ dona yiwanna kọmẹnu towe di dewe.” Etẹ dọ wẹ e te?
YỌ́N MÍ DOGỌ
Biọ Dọ Kunnudetọ de Ni Wá Dla We Pọ́n
Dọhodo kanbiọ sinai do Biblu ji de ji, kavi plọnnu dogọ gando Kunnudetọ Jehovah tọn lẹ go.
