Whenue mí to Biblu hia, mí gán yí azọ́nwanu nupinplọn tọn voovo lẹ zan nado mọnukunnujẹ nuhe hia mí te mẹ. Etomọṣo, mí ma nọ plọnnu nado bẹ oyọnẹn pli poun. Mí nọ jlo na dín onú sisosiso gbigbọmẹ tọn lẹ gando jẹhẹnu Jehovah tọn lẹ go nado hẹn owanyi he mí tindo na ẹn jideji. Nado wàmọ, mí gán kanse míde dọ, ‘Etẹwẹ adà Biblu tọn ehe plọn mi gando Jehovah go?’

Di apajlẹ, mí gán dín kunnudenu lẹ he dohia dọ Jehovah tindo jẹhẹnu ayidego tọn lẹ taidi owanyi, nuyọnẹn, whẹdida dodo po huhlọn po. Amọ́, jẹhẹnu Jehovah tọn lẹ ma nọte do enẹlẹ kẹdẹ ji. E sọ tindo jẹhẹnu he dọnmẹdogo devo lẹ. Fie wẹ a gán mọ nudọnamẹ lẹ te gando jẹhẹnu etọn lẹ go?

Gbadopọnna todohukanji jẹhẹnu etọn 50 devo lẹ tọn he tin to Index des publications des Témoins de Jéhovah mẹ to hosọ lọ “Jéhovah” podọ to hóvila lọ “Qualités par nom” glọ. Basi dodinnanu do jẹhẹnu etọn he sọgbe hẹ kandai Biblu tọn he hia a te lẹ ji. (Eyin Anademẹwe Dodinnanu Tọn Na Kunnudetọ Jehovah Tọn Lẹ kẹdẹ wẹ a tindo, pọ́n hosọ lọ “Jehovah Jiwheyẹwhe” enẹgodo hóvila lọ “Jẹhẹnu Jehovah Tọn Lẹ” glọ.)