Be a yí sọwhiwhe do hia zinjẹgbonu Atọ̀họ̀-Nuhihọ́ lọ Tọn agọe tọn lẹ ya? Eyọn, pọ́n eyin a sọgan na gblọndo kanbiọ he bọdego ehelẹ tọn:

Apajlẹ tẹwẹ Jehovah zedai na nuhe dù lehe yè na nọ yinuwa hẹ yọnnu lẹ do?

E nọ yinuwa hẹ yé matin mẹnukuntahihopọn, e ma nọ yiwanna sunnu lẹ hugan yọnnu lẹ. Jiwheyẹwhe nọ dotoaina yọnnu lẹ, nọ hò numọtolanmẹ po ahunmẹdunamẹnu yetọn lẹ po pọ́n. Podọ, e nọ deji dọ yé na penukundo azọ́n he e dena yé go.—w24.01, w. 15, 16.

Nawẹ mí gán yí Efesunu lẹ 5:7 he dọ “Mì lẹzun mahẹtọ lẹ hẹ yé blo” do yizan mẹ gbọn?

Apọsteli Paulu to avase na mí ma nado dogbẹ́ hẹ mẹhe na hẹn ẹn vẹawuna mí nado nọ tẹdo nujinọtedo Jiwheyẹwhe tọn go lẹ. Gbẹdido ylankan mọnkọ lẹ bẹ mẹhe mí nọ yí whenu zan dopọ hẹ nukun sọ nukun kavi mẹhe mí nọ dọhodopọ hẹ to nọtẹn gbẹdido Intẹnẹt ji tọn ji lẹ hẹn.—w24.03, w. 22, 23.

Otàn lalo wunmẹ tẹlẹ wẹ mí dona họ́ míde sọta?

Mí dona to aṣeji na nuhe dù otàn he mí ma yọ́n nugbo-yinyin etọn ehe wá sọn họntọn ahundoponọ lẹ dè, wekanhlanmẹ he wá sọn mẹhe mí ma yọnẹn lẹ dè gọna ojlo oklọ tọn he atẹṣitọ lẹ nọ dohia to nugbo lọ mẹ.—w24.04, w. 12.

Etẹlẹ wẹ mí yọnẹn podọ etẹlẹ wẹ mí ma yọnẹn gando aliho he mẹ Jehovah na dawhẹna Ahọlu Sọlomọni gọna mẹhe kú to Sodọmi po Gomọla po, podọ to Singigọ lọ whenu lẹ te go?

Mí ma yọnẹn na taun tọn eyin Jehovah ko dawhẹna yé nado yin vivasudo kakadoi. Amọ́ na nugbo tọn, mí yọnẹn dọ ewọ tindo nudọnamẹ lẹpo bọ lẹblanu etọn sọ klo.—w24.05, w. 3, 4.

Nujikudo tẹwẹ hodidọ lọ, Jiwheyẹwhe yin “Osé lọ” nọ hẹn mí tindo? (Deut. 32:4)

Mí gán nọ dín fibẹtado to Jehovah mẹ. Yè gán ganjẹ ewọ go, na e nọ de opà etọn lẹ to whepoponu. Podọ e ma nọ diọ, e nọ tẹdo jẹhẹnu po lẹndai etọn lẹ po go.—w24.06, w. 26-28.

Etẹwẹ gán gọalọna we nado diọada sọgbe hẹ agun yọyọ de?

Nọ ganjẹ Jehovah go, yèdọ mẹhe na gọalọna we kẹdẹdile e wà na devizọnwatọ etọn lẹ do to hohowhenu. Nọ dapana agun hoho towe yiyijlẹdo agun yọyọ towe go. Hẹn alọnu towe ján to agun yọyọ towe mẹ bo dovivẹnu nado jihọntọn yọyọ lẹ.—w24.07, w. 26-28.

Nuplọnmẹ tẹlẹ wẹ to oló atọ̀n he yin mimọ to Matiu weta 25​tọ mẹ lẹ mẹ?

Oló lẹngbọ po gbọgbọẹ lẹ po tọn lọ dohia dọ nujọnu wẹ e yin nado yin nugbonọ. Oló awhli nuyọnẹntọ po nulunọ lẹ po tọn zinnudeji dọ nujọnu wẹ e yin nado wleawudai bo to aṣeji. Podọ oló he gando talẹnti lẹ go zinnudo nujọnu-yinyin azọ́n sinsinyẹn wiwà tọn ji.—w24.09, w. 20-24.

Nawẹ atọ̀họ̀ he to nukọn na tẹmpli Sọlomọni tọn lọ yiaga sọ?

To 2 Otànnugbo lẹ 3:4 mẹ, alọnuwe hohowhenu tọn delẹ dọ dọ jiyiyi atọ̀họ̀ lọ tọn yin “awagbà 120,” enẹ wẹ mẹtlu 53. Amọ́, kandai dejidego devo lẹ dọ dọ jiyiyi etọn yin “awagbà 20,” enẹ wẹ mẹtlu ṣinẹnẹ. E taidi dọ dehe yin nùdego gbọngodo lọ sọgbe hẹ gbigblo adó tẹmpli lọ tọn.—w24.10, w. 31.

Etẹwẹ e zẹẹmẹdo dọ devizọnwatọ lizọnyizọnwiwa tọn de ni yin “asu yọnnu dopo tọn”? (1 Tim. 3:12)

E zẹẹmẹdo dọ yọnnu dopo gee wẹ e dona wlealọ hẹ bo ma dona nọ doalọ to fẹnnuwiwa zanhẹmẹ tọn mẹ. Humọ, e masọ dona nọ na ayidonugo he ma jẹ yọnnu devo lẹ.—w24.11, w. 19.

Naegbọn mí gán dọ dọ Johanu 6:53 ma yin apajlẹ de gando Tenu-Núdùdù Oklunọ tọn go?

Johanu 6:53 zinnudeji dọ nujọnu wẹ e yin nado dù agbasa Jesu tọn bo nù ohùn etọn. Galili wẹ Jesu yí hogbe ehelẹ zan te to owhe 32 W.M., whenue e to hodọna Ju he dona do yise hia to ewọ mẹ lẹ. Amọ́, nukọn mẹ wẹ hùnwhẹ Tenu-Núdùdù Oklunọ tọn wá yin didoai te to owhe dopo godo to Jelusalẹm. To finẹ, mẹhe na dugán hẹ Jesu to olọn mẹ lẹ wẹ e to hodọna.—w24.12, w. 10, 11.