Asu po asi po de he nọ hia otàn gbẹzan tọn dopo to afọnnu lẹpo dọ dọ: “Otàn ehelẹ nọ na mí ayajẹ bosọ nọ na mí tuli taun! Yé nọ flinnu mí dọ mílọsu gán yin nugbonọ to ninọmẹ lẹpo mẹ.” Mẹmẹyọnnu de he do numọtolanmẹ mọnkọ wlan dọmọ: “Otàn gbẹzan tọn ehelẹ nọ miọnhomẹnamẹ, nọ whànmẹ bosọ nọ na tulimẹ. Gbẹzan mẹmẹsunnu po mẹmẹyọnnu mítọn lẹ po tọn do zẹẹmẹ taun. Otàn yetọn lẹ whàn mi nado wà susu to lizọnyizọn lọ mẹ bosọ gọalọna mi nado na tuli ovi ṣie lẹ na yé nido biọ sinsẹ̀nzọn whenu-gigọ́ tọn mẹ.”

Otàn gbẹzan tọn lẹ gán whàn we nado doafọna yanwle dagbe lẹ, nado duto madogán lẹ ji bosọ yí ayajẹ do doakọnna whlepọn sinsinyẹn lẹ. Fitẹ wẹ a gán mọ otàn ehelẹ te?

• Pọ́n hosọ debọdo-dego lọ lẹ “Otàn Gbẹzan Kunnudetọ Jehovah Tọn lẹ Tọn” to jw.org ji kavi to JW Library® mẹ.

• Pọ́n “Otàn Gbẹzan Kunnudetọ Jehovah Tọn lẹ Tọn” to WESẸDOTẸN INTẸNẸT JI TỌN Watchtower Tọn^™ ji kavi to Watchtower Library mẹ.