ATỌ̀HỌ̀-NUHIHỌ́ LỌ TỌN—ZINJẸGBONU OPLỌN TỌN Juin 2020
Zinjẹgbonu ehe bẹ hosọ oplọn tọn lẹ sọn 3-30 août 2020 hẹn.
“Na Oyín Towe Ni Yin Kinklandowiwe”
Hosọ oplọn tọn 23: Osẹ 3-9 août 2020 tọn. Whẹho titengbe tẹwẹ nudida he tindo nuyọnẹn lẹpo pannukọn? Etẹwutu whẹho ehe do yin nujọnu sọmọ, podọ adà tẹwẹ mí nọ yiwà na e nido yin dididẹ? Nukunnumimọjẹ gblọndo kanbiọ ehelẹ po devo he tindo kanṣiṣa hẹ yé lẹ po tọn mẹ na gọalọna mí nado hẹn haṣinṣan mítọn hẹ Jehovah lodo dogọ.
“Na Mi Ahun He Ma Má de Nado Nọ Dibusi Oyín Towe”
Hosọ oplọn tọn 24: Osẹ 10-16 août 2020 tọn. To hosọ ehe mẹ, mí na na ayidonugo adà odẹ̀ he Ahọlu Davidi hò de tọn, he yin kinkandai to Salmu lẹ 86:11, 12 mẹ. Etẹwẹ e zẹẹmẹdo nado nọ dibusi oyín Jehovah tọn? Whẹwhinwhẹ́n tẹlẹ wẹ mí tindo nado nọ tindo sisi sisosiso na oyín daho etọn? Podọ, nawẹ budisi Jiwheyẹwhe sọgan basi hihọ́na mí ma nado nọ joawunanu to whlepọn lẹ glọ gbọn?
Kanbiọ lẹ sọn Wehiatọ lẹ Dè
Be jẹhẹnu he yin sislẹ to Galatianu lẹ 5:22, 23 mẹ lẹ kẹdẹ wẹ yin adà he “sinsẹ́n gbigbọ tọn” bẹhẹn lẹ ya?
“Yẹnlọsu Wẹ Na Dín Lẹngbọ Ṣie lẹ Mọ”
Hosọ oplọn tọn 25: Osẹ 17-23 août 2020 tọn. Naegbọn mẹdelẹ he ko sẹ̀n Jehovah po nugbonọ-yinyin po na owhe susu lẹ nọ wá danbú sọn agun mẹ? Numọtolanmẹ tẹwẹ Jiwheyẹwhe nọ tindo gando yé go? Hosọ ehe na gblọndo kanbiọ enẹlẹ tọn. E sọ dọhodo nuhe mí sọgan plọn sọn aliho he mẹ Jehovah gọalọna mẹdelẹ he danbú sọn e dè na ojlẹ de to hohowhenu te mẹ ji.
“Mì Lẹkọwa Dè E”
Hosọ oplọn tọn 26: Osẹ 24-30 août 2020 tọn. Ojlo Jehovah tọn wẹ yindọ mẹhe masọ nọ dogbẹ́ hẹ agun lọ ba lẹ ni lẹkọwa emi dè. Mí sọgan wà nususu nado na tuli mẹhe jlo na kẹalọyi oylọ-basinamẹ Jehovah tọn lọ he dọmọ: ‘Mì lẹkọwa dè e.’ To hosọ ehe mẹ, mí na gbadopọnna lehe mí sọgan gọalọna yé nado wàmọ do.
