Be a jlo na mọ nususu plọn dogọ to oplọn mẹdetiti tọn towe whenu ya? A gán tẹ́n ayinamẹ ehelẹ pọ́n nado mọ nọtẹn de he yọ́n na nupinplọn:

• Nọ de fihe yọ́n de. Eyin e yọnbasi, de nọtẹn he họ́n bo mẹ́ ganji de. A gán sinai do tafo de tó kavi a gán de fihe a na voawu te de to gbonu.

• Nọ nọ̀ dewe ṣo. Jesu de nado hodẹ̀ “to afọnnu fuu” to “fihe to olá de.” (Malku 1:35) Eyin e ma yọnbasi nado nọ nọ̀ dewe ṣo, a gán dike hagbẹ whẹndo tọn kavi mẹhe po hiẹ po to whégbè lẹ ni yọ́n tito nupinplọn tọn towe bosọ biọ to yé si ma nado dotukla we to ojlẹ enẹ mẹ.

• Nọ ze ayiha do fidopo. Dapana ayihafẹsẹnamẹnu lẹ. Eyin a nọ yí alokan kavi tablẹti do plọnnu, ze e do ninọmẹ abọẹninọ tọn mẹ kavi ninọmẹ de he mẹ oylọ alokan ji tọn lẹ ma na wá te nado dapana alọhẹndotenamẹnu lẹ. Podọ eyin a flin nude he a dona wà, basi kandai kleun etọn nado wá wà ẹ to nukọn mẹ. Eyin e vẹawuna we nado ze ayiha do fidopo, yí agbọ́ vude nado zinzọnlin kavi dlẹn alìn.