E Gọ̀ Alọkẹ́ lọ lẹ Do Do Alọvi Yetọn lẹ Go

“PỌ́N alọvi ṣie lẹ. Be hiẹ mọ nudepope gbọnvo ya?” Dawe de dlẹn alọ etọn hlan yọnnu de, heyin dopo to Kunnudetọ Jehovah tọn lẹ mẹ, mẹhe pọ́n ẹn bosọ doayi e go to afọdopolọji dọ alọkẹ́ alọwle tọn etọn ko busẹ. E basi zẹẹmẹ dọ ewọ po asi etọn po ma sọgan zindonukọn to pọninọ mẹ ba, enẹwutu yé magbe nado basi gbẹdai. “Ṣo!” wẹ Kunnudetọ lọ dọ. “Yí owe ehe bo hia ẹ. E na gọalọna mì po alọwle mìtọn po.” Po enẹ po, e na ẹn vọkan dopo owe sinai do Biblu ji lọ Oyọnẹn He Nọ Planmẹ Sọyi Ogbẹ̀ Madopodo Mẹ. a

Azán delẹ to godo mẹ dawe lọ lẹkọwa Kunnudetọ lọ dè po homẹhunhun po. E do alọ etọn hia ẹ. To ojlẹ ehe mẹ e do alọkẹ́ alọwle tọn etọn. E dọna ẹn dọ ewọ po asi etọn po ko hia owe Oyọnẹn tọn podọ yé yin ayajẹnọ taun todin. Owe lọ ko gọ̀ alọkẹ́ lọ lẹ dó do alọvi yetọn lẹ go to yẹhiadonu-liho.

Ayinamẹ Biblu tọn sọgan gọalọna asu po asi po de nado do owanyi nujọnu tọn hia ode awetọ. Ehe yinmọ na dowatọ Biblu tọn mayin mẹdevo depope hugan Mẹdatọ mítọn, mẹhe dọmọ: “Yẹn wẹ OKLUNỌ Jiwheyẹwhe towe, he plọn we na alè, he plan we gbọn aliho he ji hiẹ na gbọ̀n.”—Isaia 48:17.

[Nudọnamẹ Odò Tọn]