Owanyi Klistiani Tọn Zẹ̀ Didọ Poun Go

TO WHENUENA miyọ́n fiọ owhé yetọn to Trinidad, whẹndo Bartholomew tọn hẹn onú lẹpo bu adavo ogbẹ̀ yetọn. Hẹnnumẹ he nọ nọ̀ yakẹ de penugo nado yí yé do whégbè, ṣigba enẹ mayin vivọnu otàn lọ tọn gba.

Olive Bartholomew yin dopo to Kunnudetọ Jehovah tọn lẹ mẹ, podọ hagbẹ agun he mẹ e to devizọnwa te tọn lẹ—gọna mẹhe tin to lẹdo lọ mẹ lẹ—jẹ nunina lẹ na ji na vivọgbá ohọ̀ he ewọ po whẹndo etọn po ko hẹnbu tọn. Wedegbẹ́ de yin zizedai nado deanana azọ́n vivọgbá tọn lọ, bọ họgbigbá sọ bẹjẹeji. Nudi Kunnudetọ 20, gọna kọmẹnu delẹ wẹ to azọ́nwa. Jọja lẹ tlẹ gọalọ, to whenuena mẹdevo lẹ tin to aṣeji nado namẹ kọfanamẹnu lẹ.

“E sẹhundaga na whẹndo ṣie,” wẹ Olive dọ, dile Sunday Guardian Trinidad tọn na linlin etọn do. “Yé mayin Kunnudetọ lẹ gba, podọ nuhe asu ṣie to mimọ lọ gbẹsọ pò to pipaṣa ẹ.”

To vivẹnudido lọ bibladopọ mẹ, nukunpedonugotọ na azọ́n họgbigbá lọ tọn zinnudeji dọ nuyiwa mọnkọtọn lẹ yin dopo to ohia he nọ do Klistiani nugbo lẹ hia mẹ na nugbo tọn. “Mí ma nọ yì sọn whédegbè-jẹ-whédegbè bo nọ to hodọ dogbọn owanyi dali poun gba,” wẹ e dọ. “Mí to tintẹnpọn nado yí nuhe mí to yẹwheho etọn dọ do yizan mẹ.”—Johanu 13:34, 35.

[Yẹdide to weda 32]

Olive Bartholomew po asu etọn po