Ayajẹ po Agbasalilo Po

E ko dẹn bọ gbẹtọ lẹ nọ lẹndọ mẹhe tindo ayajẹ po pọndohlan dagbe po lẹ wẹ nọ saba tindo agbasalilo hugan mẹhe tin to ayimajai mẹ, nọ fiẹ kavi nọ tindo pọndohlan agọ̀ lẹ. To dodinnanu agọe tọn de mẹ, lẹnunnuyọnẹntọ lẹ wá tadona lọ kọ̀n dọ mẹhe nọ “yawudomẹ” lẹ ma nọ tindo cortisol susu—yèdọ osin agbasa mẹ tọn he nọ hẹn ayimajai wá bo sọgan hẹn nuhahun agbasalilo tọn lẹ wá eyin e sù to lanmẹ na ojlẹ dindẹn. “Protéine awe he nọ dohia dọ wánvú ylankan lẹ ko gọ́ agbasa mẹ” masọ nọ sù to lanmẹ na yé. Sọgbe hẹ nuhe mẹplọntọ wehọmẹ daho University College, Londres tọn, Andrew Steptoe dọ, “numọtolanmẹ ma yin whẹho gududu tọn poun gba, ṣigba nọ sinai do haṣinṣan he mí nọ tindo hẹ mẹdevo lẹ po nuhe mí wadotana to gbẹ̀mẹ lẹ po ji.”