Viyọnnu Pẹvi Alọtlútọ De

TO AGỌE, viyọnnu pẹvi owhe ṣinẹnẹ mẹvi de to Brésil basi dide nado má akuẹ he e ko jọpli do awe—enẹ wẹ nudi  8 500F po 11 800F CFA po. E yí akuẹ sọha he whè lọ do apotin nunina tọn mẹ to Plitẹnhọ Ahọluduta tọn mẹ nado nọgodona akuẹzinzan agun tọn lẹ. Enẹgodo, e do akuẹ sọha he sù lọ hlan wekantẹn alahọ Kunnudetọ Jehovah tọn lẹ tọn po wekanhlanmẹ pẹvi de po. Wekanhlanmẹ etọn dọmọ: “N’jlo na basi nunina ehe nado nọgodona azọ́n lẹdo aihọn pé lọ. Ojlo ṣie wẹ nado gọalọna mẹmẹsunnu po mẹmẹyọnnu susu po lẹdo aihọn pé nado dọyẹwheho wẹndagbe lọ tọn. N’to nunina ehe basi na n’yiwanna Jehovah taun wutu.”

Mẹjitọ viyọnnu pẹvi ehe tọn lẹ ko plọn ẹn dọ nujọnu wẹ e yin nado nọ tindo mahẹ to azọ́n yẹwhehodidọ Ahọluduta lọ tọn mẹ. Yé ko sọ dó do ahun mẹ na ẹn dọ dandannu wẹ e yin nado nọ ‘gbògbéna Jehovah po nutindo mítọn lẹ po.’ (Howh. 3:9) Taidi viyọnnu pẹvi enẹ, mì gbọ mímẹpo ni nọ nọgodona Ahọluduta lọ po zohunhun po, to lẹdo mítọn mẹ podọ lẹdo aihọn pé!