Mẹyọyọ He Yin Yiyidogọ Hagbẹ Anademẹtọ Lọ

To mercredi 5 septembre 2012 to afọnnu, nulila de yin bibasi na whẹndo Bẹtẹli États-Unis po Canada po tọn lẹ dọ, mẹyọyọ de ko yin yiyidogọ Hagbẹ Anademẹtọ Kunnudetọ Jehovah tọn lẹ tọn. Bẹsọn 1^er septembre 2012, mẹmẹsunnu Mark Sanderson jẹ sinsẹ̀n ji taidi dopo to Hagbẹ Anademẹtọ lọ mẹ.

Mẹmẹsunnu Mark Sanderson whẹ́n to whẹndo Klistiani tọn de mẹ to San Diego, Californie, États-Unis bo yí baptẹm to 9 février 1975. Ewọ bẹ azọ́n gbehosọnalitọ whepoponu tọn jẹeji to 1^er septembre 1983 to Saskatchewan, Canada. To décembre 1990, ewọ mọ gbedewema yí sọn klasi ṣinawetọ Wehọmẹ Biblu Pinplọn Tọn Na Mẹmẹsunnu Tlẹnnọ Lẹ tọn mẹ to États-Unis. Mẹmẹsunnu Sanderson yin azọ́ndena nado sẹ̀n taidi gbehosọnalitọ titengbe to lopo Terre-Neuve tọn ji to Canada to avril 1991. To whenue e ko sẹ̀n taidi nugopọntọ lẹdo tọn tẹnmẹpọnnamẹtọ de godo, ewọ yin oylọ-basina nado wá sẹ̀n to whẹndo Bẹtẹli Canada tọn mẹ to février 1997. To novembre 2000, ewọ yin didohlan alahọ États-Unis tọn mẹ, fie e sẹ̀n to Azọ́nwatẹn Nudọnamẹ Dotowhé tọn, podọ to godo mẹ to Azọ́nwatẹn Sinsẹ̀nzọn tọn te.

To septembre 2008, Mẹmẹsunnu Sanderson yì Wehọmẹ Hagbẹ Wedegbẹ́ Alahọ Tọn lẹ tọn, podọ to enẹgodo ewọ yin azọ́ndena taidi dopo to Wedegbẹ́ Alahọ Philippines tọn lẹ mẹ. To septembre 2010, ewọ yin oylọ-basina lẹkọwa États-Unis, bo sẹ̀n to finẹ taidi alọgọtọ to Wedegbẹ́ Sinsẹ̀nzọn tọn Hagbẹ Anademẹtọ lọ tọn mẹ.

[Apotin to weda 26]

Mẹhe Hagbẹ Anademẹtọ lọ Bẹhẹn Todin Lẹ

Mẹhe to ote lẹ, sọn amiyọn mẹ: D H Splane, A. Morris III, D. M. Sanderson, G. W. Jackson, M. S. Lett. Mẹhe sinai lẹ, sọn amiyọn mẹ: S. F. Herd, G. Lösch, G. H. Pierce. Klistiani yiamisisadode wẹ yemẹpo yin