Azán He Yin Titengbe Hugan to Whenuho Mẹ

Azán he gbè Jesu Klisti kú te wẹ. Naegbọn okú Jesu tọn do yin onú titengbe sọmọ? Nususu wẹ zọ́n.

Nugbonọ-yinyin Jesu tọn kakajẹ okú dohia dọ gbẹtọvi sọgan yin tenọglinọ na Jiwheyẹwhe.

Okú Klisti tọn sọ hùn dotẹnmẹ dotena gbẹtọvi delẹ nado dugán hẹ ẹ to olọn mẹ. Humọ, e sọ hùnali dotena mẹsusu nado duvivi ogbẹ̀ madopodo tọn to paladisi aigba ji tọn de mẹ.

To whèjai he jẹnukọnna okú Jesu tọn, e yí akla madotọ́n po ovẹn vẹẹ po do basi yẹhiadonu avọ́sinsan owanyinọ he e yí ogbẹ̀ gbẹtọvi tọn etọn do basi tọn. E dọna devi etọn lẹ dọmọ: “Mì nọ basi ehe to oflin ṣie mẹ.” (Luku 22:19) Be hiẹ na flin nujijọ titengbe ehe ya?

Kunnudetọ Jehovah tọn lẹ to oylọ zohunhun tọn basi na we nado kọnawudopọ hẹ yé to hùnwhẹ Oflin Okú Jesu tọn bibasi mẹ. To owhe ehe mẹ, azán hùnwhẹ ehe tọn jẹ do jeudi 9 avril, to họyiyi owhe tọn godo. Hiẹ sọgan yì hùnwhẹ enẹ tẹnmẹ to Plitẹnhọ Ahọluduta tọn he sẹpọ we de mẹ. Jaale dọnsẹpọ Kunnudetọ Jehovah tọn he tin to lẹdo towe mẹ lẹ nado yọ́n nọtẹn hùnwhẹ lọ tọn po ganmẹ lọ po.