Dawe Whiwhẹnọ Podọ Adọgbotọ De
Na Jọja Lẹ
Dawe Whiwhẹnọ Podọ Adọgbotọ De
JONA—ADÀ 1
Anademẹ he na yin hihodo: Wà ehe to lẹdo he ma tindo ayihafẹsẹnamẹnu depope mẹ. Dile hiẹ to wefọ lọ lẹ hia, pọ́n dewe hlan taidi mẹhe to mahẹ tindo to nujijọ lọ mẹ. Yí nukun homẹ tọn do pọ́n nujijọ lọ. Sè ogbè mẹhe to hodọ lẹ tọn. Tindo numọtolanmẹ dopolọ hẹ mẹhe yin tọ́ntlọ́ngbọ́n to nujijọ lọ mẹ lẹ. Pọ́n nujijọ lọ lẹ taidi nuhe to jijọ to alọnu.
GBADOPỌNNA NUJIJỌ LỌ.—HIA JONA 1:1-17; 2:10–3:5.
Nawẹ a lẹndọ yujẹhọn lọ na ko dọnú do podọ nawẹ e na ko to nuyiwa gbọn?
_______
Numọtolanmẹ tẹwẹ kọnugbè Jona po bato-kùntọ lẹ tọn po dohia dọ yé na ko tindo?
_______
Etẹ lẹn wẹ Jona na ko te to whenuena e to sisiọ biọ ohù mẹ podọ to whenue whèvi daho lọ ko mì in godo? (Hia Jona 2:1-9.)
_______
DINDONANU DOGỌ.
Omẹ nankọ lẹ wẹ nọ nọ̀ Nineve, podọ etẹwutu wẹ Jona na ko whleawu jẹnukọn nado yì finẹ? (Nahumi 3:1)
_______
Linlẹn tẹ mẹ wẹ a lẹndọ Nineve yin “tòdaho gbó gedegede de hlan Jiwheyẹwhe” te? (Jona 3:3; 2 Pita 3:9)
_______
Etẹwẹ aliho he mẹ Jona dọ nugbo dogbọn nuṣiwa etọn po Jiwheyẹwhe etọn po dali te dohia gando gbẹtọ wunmẹ he ewọ yin go? (Vọ́ Jona 1:9, 10 hia.)
_______
Nawẹ Jona na ko wá yọ́n nuhe jọ to ohún lọ mẹ to whenue ewọ ko yin zizedlan ohù mẹ godo gbọn? (Vọ́ Jona 1:15, 16 hia.)
_______
YÍ NUHE A PLỌN LẸ ZAN. KÀN NUHE A PLỌN LẸ DAI GANDO NUHE BỌDEGO EHELẸ GO:
Obu.
_______
Whiwhẹ.
_______
Adọgbigbo.
_______
Pọndohlan Jehovah tọn gando gbẹtọ lẹ go, etlẹ yin mẹhe mí nọ pọnhlan taidi mẹylankan lẹ.
_______
ADÀ TẸWẸ FỌNJLODOTENA WE HUGAN TO KANDAI EHE MẸ, PODỌ ETẸWUTU?
_______
Na dodinnanu devo lẹ, pọ́n Atọ̀họ̀-Nuhihọ́ lọ Tọn 1er janvier 2009, weda 25-28.
EYIN HIẸ MA TINDO BIBLU, A SỌGAN HIA Ẹ TO OGBÈ HE A JẸAKỌ HẸ DE MẸ TO INTERNET JI TO www.watchtower.org