Ohẹ́n klókló nọ zọ́n bọ gbẹtọ livi susu lẹ nọ kú to whemẹwhemẹ, na whèdomẹ núdùdù hunsindagbe tọn po azọ̀n po wutu. Dile etlẹ yindọ otò delẹ yin adọkunnọ, suhugan gbẹtọvi lẹ tọn gbẹ́ to gbẹnọ to ohẹ́n klókló mẹ. Biblu dohia dọ ohẹ́n yin dopo to nuhahun gbẹtọvi lẹ tọn mẹ sọn whenu dindẹn die.—Hia Johanu 12:8.

Whẹpo gandudu de na penugo nado doalọtena ohẹ́n, Gandudu mọnkọtọn dona penugo nado nọ má adọkunnu aihọn tọn lẹ matin mẹnukuntahopọn bo nasọ doalọtena awhàn he yin adọ̀ ohẹ́n tọn. Jiwheyẹwhe ko dopà nado ze gandudu mọnkọtọn de dai.—Hia Daniẹli 2:44.

Jiwheyẹwhe ko de Visunnu etọn Jesu, nado dugán do gbẹtọvi lẹpo ji. (Psalm 2:4-8) Jesu na whlẹn agbátọnọ lẹ bo nasọ doalọtena kọgbidinamẹ po danuwiwa po.—Hia Psalm 72:8, 12-14.

Dile e ko yin didọdai do, Jesu he yin “Ahọvi Jijọho tọn,” na hẹn jijọho po hihọ́ po wá aigba lọ blebu ji. To whenẹnu, gbẹtọvi lẹpo na tindo ohọ̀ yetọn titi, duvivi agbasazọ́n he na hẹn pekọ wá na yé lẹ tọn, bo nasọ tindo núdùdù susugege.—Hia Isaia 9:6, 7; 65:21-23.