OHÀN 134
Ovi lẹ Yin Ogú de sọn Jiwheyẹwhe Dè
-
1. Yin sunnu de lẹzun otọ́
Bọ yọnnu de jivi etọn titi,
Yé dona flin dọ ogú de wẹ,
Ehe ma yin yetọn kẹdẹ.
Jehovah dè nunina lọ sọn;
Na ewọ wẹ Asisa ogbẹ̀ tọn.
E nọ deanana mẹjitọ lẹ
Na yé ni wanu po nuyọnẹn po.
(HÀNGBÈPLI)
Ogú wiwe de yin nina mì;
Jẹwhe wẹ zọ́n ’vi lẹ hẹn mì.
Mì wẹ sọgan gọalọna yé
Mì plọn ’vi lẹ nado sẹ̀n Jah.
-
2. Gbedide Jẹwhe tọn lẹpo
Dona t’ahun mìtọn mẹ gbepogbe.
Mì na nọ plọn yé ’vi mìtọn lẹ;
Mì jo ogú ehe na yé.
Mì na nọ dọna yé t’aliji,
Whenue mì fọ́n kavi to gbigbọjẹ.
Na yé nido flin to sọgodo
Bo yin nugbonọ bo mọ dona.
(HÀNGBÈPLI)
Ogú wiwe de yin nina mì;
Jẹwhe wẹ zọ́n ’vi lẹ hẹn mì.
Mì wẹ sọgan gọalọna yé
Mì plọn ’vi lẹ nado sẹ̀n Jah.
(Sọ pọ́n Deut. 6:6, 7; Efe. 6:4; 1 Tim. 4:16.)
