Jehovah na de oylan he Satani ko wà lẹpo sẹ sọn aimẹ mlẹnmlẹn. Jehovah ko yi Jesu do basi Ahọlu do aigba lẹpo ji. To gandudu etọn glọ, aigba na yin didiọzun paladisi de.—Daniẹli 7;13, 14; Luku 23:43.

Jehovah dopagbe onú ehelẹ tọn:

• NÚDÙDÙ SUSUGEGE: “Whenẹnu wẹ aigba na hẹn jideji etọn wá; Jiwheyẹwhe, yèdọ Jiwheyẹwhe mítọn lọsu, na dona mí.” “Gbadó susugege na tin finẹ to osó lẹ ji.”—Psalm 67:6; 72:16.

• AWHAN MA NASỌ TIN BA: “Mì wá pọ́n azọ́n Oklunọ [“Jehovah,” NW] tọn, Hẹngble he é ko basi to aigba ji. É hẹn awhàn gbọ kaka jẹ aigba pòdo.”—Psalm 46:8, 9.

• OMẸ YLANKAN LẸ MA NASỌ TIN BA: “Na yè na sán ylanwàtọ lẹ sẹ̀ . . . Na whenu pẹẹde, mẹylankan lẹ ma na tin ba: Nugbo, hiẹ na yí sọwhiwhe do lẹn otẹn etọn pọ́n, é ma nasọ tin.”—Psalm 37:9, 10.

• AWUTU, AWUBLA, KAVI OKÚ MA NASỌ TIN BA: “Whe nẹnu wẹ nukun nukuntọ́nnọ lẹ tọn na hùn, otó tókúnọ lẹ tọn na sọ hùn. Whenẹnu wẹ pòtẹn na lọ́n di agbanlin, odẹ́ unbọpẹn tọn na sọ jihàn.”—Isaia 35:5, 6.

  “Jiwheyẹwhe lọsu nasọ nọhẹ yé, bo nasọ yín Jiwheyẹwhe yétọn. Jiwheyẹwhe nasọ súnsún dasìn lẹpo sẹ̀ sọn nukun yétọn mẹ; okú ma nasọ tin ba, kavi awúbla, kavi avi, mọ awufiẹsa ma na tin ba: na onú tintan lẹ ko juwayi.”—Osọhia 21:​3, 4.

Gbọnvona Satani po aovi lẹ po, Jehovah ma ko dolalo pọn gbede gba. Pagbe onu he tọn e do lẹpo dona yin hinhẹndi. (Luku 1:36, 37) Jehovah yiwanna we bosọ jlo dọ hiẹ ni nọgbẹ̀ to paladisi he ewọ na basi mẹ. Enẹwutu dín Kunnudetọ Jehovah tọn lẹ mọ nado plọn onú susu dogọ dogbọn nugbo jiawu heyin mimọ to Oho Jiwheyẹwhe tọn mẹ lẹ dali. Eyin hiẹ yi nugbo lọ zán to gbẹ̀zan towe mẹ, hiẹ na yin hinhẹn jẹ mẹdekannu sọn kanlinmọgbenu lalo, otangblo, po wunvi-mẹninọ lẹpo tọn mẹ. To godo mẹ, hiẹ na yin hinhẹn jẹ mẹdekannu sọn kanlinmọgbenu ylando po okú po tọn si. Dile Jesu dọ do dọmọ: “Mìwlẹ nasọ yọ́n nugbo, nugbo lọ nasọ hẹn mì jẹ mẹdekannu.”—Johanu 8:32.