ADÀ 2
Yẹwhehodidọ Ahọluduta lọ Tọn—Wẹndagbe lọ Lilá Lẹdo Aihọn Pé
A KO wleawufo to afọnnu nado yì lizọnyizọn lọ mẹ to gbeegbe a ma nọ yì azọ́nmẹ. A whleawu na ojlẹ de, na nuṣikọna we wutu. E jlo we dọ a ni gbọjẹ vude! Amọ́, a hodẹ̀ bo magbe nado yì. Mẹmẹyọnnu yọnhonọ nugbonọ de po hiẹ po wẹ wazọ́n, bọ akọndonanu po homẹdagbe etọn po yinuwado ji we. Dile mì to owẹ̀n lọ lá sọn whédegbè jẹ whédegbè, a flindọ mọjanwẹ mẹmẹsunnu po mẹmẹyọnnu towe lẹ po to owẹ̀n dopolọ lá lẹdo aihọn pé do, bo to owe mítọn dopolọ lẹ yizan bọ yemẹpo to alemọyi sọn azọ́nplọnmẹ dopolọ mẹ. To kọlilẹ yì whé godo, a vọ́ huhlọn mọyi, bọ e vivi na we dọ a ma gbọṣi whégbè!
To alọnu din, lizọnyizọn Klistiani tọn wẹ yin azọ́n tangan lọ he wà Ahọluduta Jiwheyẹwhe tọn te. Jesu dopagbe dọ azọ́n yẹwhehodidọ tọn na gbayipe taun to azán godo tọn lẹ mẹ. (Mat. 24:14) Nawẹ dọdai etọn ko mọ hẹndi sọ? To adà ehe mẹ, mí na gbadopọnna mẹhe to wẹndagbe lọ lá lẹ, aliho he yizan yé te lẹ gọna azọ́nwanu he ko yí adà titengbe de wà to lizọnyizọn Klistiani tọn lọ mẹ lẹ, bo to alọgọna gbẹtọ livi susu lẹdo aihọn pé nado mọ Ahọluduta Jiwheyẹwhe tọn taidi nujọnu de.
TO ADÀ EHE MẸ
WETA 6
Mẹhe to Yẹwhehodọ lẹ—Lizọnyizọnwatọ lẹ Ze Yede Jo sọn Ojlo mẹ Wá
Naegbọn Jesu tindo jidide dọ emi na tindo awhànpa yẹwhehodọtọ mẹdezejotọ lẹ tọn de to azán godo tọn lẹ mẹ? Nawẹ a sọgan dohia dọ emi to Ahọluduta lọ dín whẹ́ gbọn?
WETA 7
Aliho Yẹwhehodidọ Tọn lẹ—Aliho Lẹpo Yiyizan Nado Lá Owẹ̀n lọ Na Gbẹtọ Lẹ
Aliho yọ́n-na-yizan voovo lẹ he omẹ Jiwheyẹwhe tọn lẹ ko yizan nado hẹn wẹndagbe lọ jẹ gbẹtọ susu lẹ dè whẹpo opodo lọ nado wá.
WETA 8
Azọ́nwanu lẹ Nado Dọyẹwheho—Awuwiwlena Owe lẹ Nado Dọyẹwheho Lẹdo Aihọn Pé
Nawẹ azọ́n lẹdogbedevomẹ tọn mítọn dohia dọ mí tindo godonọnamẹ Jesu tọn gbọn? Nugbo tẹlẹ gando owe mítọn lẹ go wẹ hẹn ẹn họnwun na we dọ Ahọluduta lọ yin nujọnu?
WETA 9
Kọdetọn Yẹwhehodidọ Tọn lẹ—“Ogle lẹ . . . Ko Bia Na Gbingbẹ̀n”
Jesu plọn onú titengbe awe devi etọn lẹ gando jibẹwawhé gbigbọmẹ tọn lọ go. Nawẹ nuplọnmẹ ehelẹ gando mí go to egbehe gbọn?
