Etẹwẹ Sọgan Hẹn Ayajẹ Wá to Whẹndo Mẹ?
Be a lẹndọ . . .
-
owanyi wẹ ya?
-
akuẹ wẹ ya?
-
kavi nudevo?
NUHE BIBLU DỌ
“Ayajẹnọ wẹ mẹhe to ohó Jiwheyẹwhe tọn sè bo to yíyí i hẹn lẹ!”—Luku 11:28, Lẹdogbedevomẹ Aihọn Yọyọ Tọn.
ALE HE ENẸ SỌGAN HẸNWA NA WE
Owanyi nugbo na tin.—Efesunu lẹ 5:28, 29.
Sisi sisosiso na tin.—Efesunu lẹ 5:33.
Hihọ́ nujọnu tọn na tin.—Malku 10:6-9.
BE MÍ SỌGAN YÍ NUHE BIBLU DỌ SÈ NUGBONUGBO YA?
Mọwẹ, e whè gbau na whẹwhinwhẹ́n awe ehelẹ wutu:
-
Jiwheyẹwhe wẹ Dowatọ whẹndo tọn. Biblu dọ dọ Jehovah Jiwheyẹwhe dè wẹ “whẹndo lẹ . . . mọ oyín yetọn yí sọn.” (Efesunu lẹ 3:14, 15) To hogbe devo mẹ, Jehovah wẹ ze tito whẹndo tọn dai. Naegbọn e do yin nujọnu nado yọ́n ehe?
Lẹnnupọn vude: Eyin núdùdù de vivi to onù towe mẹ bọ a jlo na yọ́n dadonu he yè yí do dà ẹ lẹ, mẹnu wẹ a na kanbiọ? E họnwun dọ mẹhe dà núdùdù lọ wẹ.
Mọdopolọ, nado yọ́n nuhe sọgan hẹn ayajẹ wá to whẹndo mẹ lẹ, mí dona lẹhlan Jehovah, he yin Dowatọ whẹndo tọn.—Gẹnẹsisi 2:18-24.
-
Jiwheyẹwhe nọ hò towe pọ́n. Nuyọnẹnnu wẹ e na yin dọ whẹndo lẹ ni nọ dín ayinamẹ Jehovah tọn, he e nọ na to Ohó etọn mẹ. Etẹwutu? “Na e to [towe] hòpọn wutu.” (1 Pita 5:6, 7) Dagbemẹninọ towe nọ duahunmẹna Jehovah, podọ ayinamẹ etọn lẹ nọ wazọ́n to whepoponu!—Howhinwhẹn lẹ 3:5, 6; Isaia 48:17, 18.
DINDONANU
Nawẹ hiẹ sọgan yin asu, asi kavi mẹjitọ dagbe de gbọn?
Biblu na gblọndo kanbiọ ehe tọn to EFESUNU LẸ 5:1, 2 po KỌLỌSINU LẸ 3:18-21 po mẹ.
A Gán Sọ Pọ́n Hosọ Ehelẹ
FỌ́N!
A Gán Do Ayajẹ to Whẹndo Mẹ
Etẹwẹ asu, asi, mẹjitọ po ovi lẹ po gán wà nado do ayajẹ to whẹndo mẹ?
GBLỌNDO NA KANBIỌ SINAI DO BIBLU JI LẸ
Be Biblu Sọgan Gọalọna Mi Nado Tindo Ayajẹ to Whẹndo mẹ Ya?
Ayinamẹ nuyọnẹn tọn sinai do Biblu ji lẹ ko gọalọna sunnu po yọnnu po livi susu nado tindo ayajẹ to whẹndo mẹ.
FỌ́N!
Ayajẹ to Whẹndo mẹ—Azọ́nwadopọ
Be mì nọ dọ́ ohọ̀ dopolọ mẹ ṣo bo ma nọ mọ mìde di alọwlemẹ wẹ ya?
YỌ́N MÍ DOGỌ
Naegbọn Mí Dona Plọn Biblu?—Adà Gigọ́
Biblu to alọgọna gbẹtọ livi susu lẹdo aihọn pé nado mọ gblọndo na kanbiọ tangan gbẹ̀mẹ tọn lẹ. Be hiẹ lọsu jlo na tin to yé mẹ ya?
YỌ́N MÍ DOGỌ
Biọ Dọ Kunnudetọ de Ni Wá Dla We Pọ́n
Dọhodo kanbiọ sinai do Biblu ji de ji, kavi plọnnu dogọ gando Kunnudetọ Jehovah tọn lẹ go.
